ރައީސް ޑރ. މުހައްމަދު މުއިއްޒުގެ ނިންމެވުމާ އެއްގޮތަށް އަންނަ އަހަރަށް ލަފާކުރާ ދައުލަތުގެ ބަޖެޓުން ޝަރުއީ ދާއިރާ އަށް ދޭ ގްރާންޓުގެ ގޮތުގައި 808 މިލިއަން ރުފިޔާ ކަނޑައަޅައިފިއެވެ.
ޝަރުއީ ދާއިރާއަށް މާލީ ބާރުވެރިކަން ދިނުމަށް، އަންނަ އަހަރަށް ކަނޑައަޅާ ބަޖެޓުގައި ދައުލަތުގެ އާމްދަނީން ވަކި ޕަސެންޓެއް އެ ދާއިރާ އަށް ކަނޑައަޅަން ރައީސް ނިންމެވީ މިދިޔަ ސެޕްޓެމްބަރު މަހުގެ ތެރޭގައެވެ.
މިއަދު އޮތް ރައްޔިތުންގެ މަޖިލީހުގެ ޖަލްސާގައި ބަޖެޓް ހުށަހަޅުއްވަމުން ފިނޭންސް މިނިސްޓަރު މޫސާ ޒަމީރު ވިދާޅުވީ އެ ގްރާންޓަކީ މިހާރު ޝަރުއީ ދާއިރާއަށް ކުރާ ހަރަދަށް ވުރެ 250 މިލިއަން ރުފިޔާ އިތުރު އަދަދެއް ކަމަށެވެ.
މީގެއިތުރުން އަންނަ އަހަރުގެ ބަޖެޓުގައި ކައުންސިލް ބްލޮކް ގްރާންޓްގެ ގޮތުގައި 2.5 ބިލިއަން ރުފިޔާ ވަނީ ހިމަނާފައެވެ.
ރައީސް މުއިއްޒު ވެރިކަމަށް ވަޑައިގަތް ފަހުން ޝަރުއީ ދާއިރާ އިސްލާހުކޮށް އިތުރަށް ތަރައްގީކުރުމަށް މުހިންމު މަސައްކަތްތަކެއް އަންނަނީ ކުރަމުންނެވެ.
ކިޔުންތެރިންގެ ހިޔާލު