މެރިން ހެޗަރީ ސްކިލްސް ޑިވެލޮޕްމެންޓް ޕްރޮގްރާމްގެ މިއަހަރުގެ ދެވަނަ ބެޗް ކ.މަނިޔަފުށީ ރިސަރޗް އެންޑް ޓްރެއިނިންގ ފެސިލިޓީގައި އިއްޔެ ފަށައިފިއެވެ.

10 ދުވަހުގެ މުއްދަތަކަށް ކުރިއަށް ގެންދާ މި ޓްރެއިނިންގ ސެޝަން ތައް ކުރިއަށް ގެންދާނީ މޯލްޑިވްސް މެރިން ރިސާރޗް އިންސްޓިޓިއުޓް އިން، މިނިސްޓްރީ އޮފް ފިޝަރީސް އަދި ވޯލްޑް ބޭންކުގެ ގުޅިގެންނެވެ. މި ޕްރޮގްރާމް ގެ ހުރިހައި ބައިވެރިންނަށް ދަސްކޮށްދެނީ އެކުއާ ކަލްޗަރަލް ހުނަރުތަކެވެ.

މި ޓްރެއިނިންގެ މައިގަނޑު އަމާޒަކީ ގައުމީ ގާބިލްކަން ވަރުގަދަކޮށް، މަސްވެރިކަމުގެ ދާއިރާ ތަރައްގީ ކުރުމަށް މަގުފަހި ކޮށްދިނުމެވެ.

10 މީހުންނާއެކު އިއްޔެ ފެށި މި ޕްރޮގްރާމް މިމަހުގެ 30 ވަނަ ދުވަހާއި ހަމައަށް ކުރިއަށްދާނެއެވެ.

މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމަކީ މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން އިސްނަގައިގެން އަހަރަކު ދެ ފަހަރު ބާއްވަމުން އަންނަ ޕްރޮގްރާމެކެވެ.