ކުއްލި ޚަބަރު

އެމްއެމްއޭގެ ރިސާޗް ފަންޑުގެ ދަށުން، އިޤްތިޞާދީ އަދި މާލީ ދާއިރާއާށް ޚާއްސަ ދިރާސާތަކަށް ގްރާންޓް  ދިނުމަށް ޕްރޮޕޯސަލްތައް ހުށަހެޅުމުގެ ފުރުސަތު ހުޅުވާލައިފި

ގަމަށް ހިޖުރަކުރި ފަރާތްތަކަށް ދޭން ޖެހޭ ފައިސާގެ ބަދަލުދީ ވަރަށް އަވަހަށް ނިންމާނެ ކަމުގެ ޔަގީންކަން ރައީސް ދެއްވައިފި

ރާއްޖޭގައި މީހުން ދިރިއުޅޭ ހުރިހާ ރަށެއްގައި ފުލުހުންގެ ޚިދުމަތް ގާއިމްކޮށްފި

މަޝްރޫޢުތަކަށް ބޭނުންވާ ބޮޑުހިލައިގެ ބަލްކް ޝިޕްމަންޓެއް ރާއްޖެ ގެނެސްފި

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީއާ ހަވާލުކޮށްފައިވާ ޕީއެސްއައިޕީ މަޝްރޫޢުތަކަށް ބޭނުންވާ ބޮޑުހިލައިގެ ފުރަތަމަ ޝިޕްމަންޓް ރާއްޖެ ގެނެސްފިއެވެ.

އެމްޓީސީސީއިން ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރައްޔިތުންނާ ބައްދަލުކުރެެއްވުމަށް ކުރައްވާ ދަތުރުފުޅުތަކުގައި، ރައްޔިތުން އެދިލައްވަމުން ގެންދަވާ ޢުމްރާނީ ތަރައްޤީގެ މަޝްރޫއުތުތައް ނުހުއްޓި ކުރިއަށް ގެންދިއުމަށްޓަކައި، އެމްޓީސީސީއާ ހަވާލުކޮށްފައިވާ މަޝްރޫއުތަކަށް ބޭނުންވާ ބޮޑު ހިލައިގެ ފުރަތަމަ ބަލްކް ޝިޕްމަންޓް ރާއްޖެ ގެނެސްފައިވާކަމަށެވެ.

އެގޮތުން، އެމްޓީސީސީއާ ހަވާލުކޮށްފައިވާ މަޝްރޫޢުތައް ނިންމުމަށް ބޭނުންވާ 2.5 މިލިޔަން ޓަނުގެ ބޮޑު ހިލަ މިއަހަރު ނިމުމުގެ ކުރިންރާއްޖެ ގެނައުމުގެ މަސައްކަތް ކުރަމުން އަންނަކަމަށް އެކުންފުނިން ވިދާޅުވެއެވެ. އަދި މި ޝިޕްމަންޓް ގެނެސް، އެ ކުންފުންޏާ ހަވާލުކުރެވިފައިވާ މަޝްރޫޢުތައް ނިމުމާއެކު، ރައްޔިތުންނަށް ގިނަ ފަސޭހަތަކެއް ލިބިގެންދާނެކަމަށް އެ ކުންފުނިން ވިދާޅުވެއެވެ.

އެމްޓީސީސީން ވިދާޅުވީ، ޕީއެސްއައިޕީ މަޝްރޫޢުތަކަށް ބޭނުންވާ ބޮޑު ހިލައިގެ ފުރަތަމަ ބަލްކް ޝިޕްމަންޓުގައި، 56،450 ޓަނުގެ ބޮޑުހިލަ ރާއްޖެ ގެނެވިފައިވާކަމަށެވެ.

އެގޮތުން، މި ޝިޕްމަންޓުގައި ގެނެވިފައިވާ ބޮޑު ހިލައިގެ ތެރެއިން މާޅޮސްމަޑުލު ދެކުނުބުރީ މާޅޮހުގެ ބަނދަރު ތަަރައްޤީކުރުމަށް ބޭނުންވާ ބޮޑުހިލައިގެ ފުރަތަމަ ޝިޕްމަންޓް އެ ރަށަށް ގެންގޮސްފައިވާކަމަށް އެކުންފުނިން ވިދާޅުވިއެވެ.

މީގެއިތުރުން، ބ، ރ، އަދި ޅ އަތޮޅުގެ އެހެނިހެން މަޝްރޫޢުތަކަށް ބޭނުންވާ ބޮޑު ހިލައިގެ ޝިޕްމަންޓު ފޮނުވޭނެކަމަށް އެމްޓީސީސީން ވިދާޅުވެއެވެ.

ވޭތުވެދިޔަ 44 އަހަރުތެރޭ އެމްޓީސީސީން ވާނީ ރާއްޖޭގެ އެކި ކަންކޮޅުތަކުގައި ޢުމްރާނީ ތަރައްޤީގެ ގިނަ މަޝްރޫޢުތަކެއް ހިންގައި ކާމިޔާބުކަމާއެކު ނިންމައިފައެވެ. އަދި މިހާރުވެސް އެކުންފުނިން އަންނަީ ރާއްޖޭގެ ޢުމްރާނީ ތަރައްޤީގެ ގިނަ މަޝޤރޫޢުތަކެއްގެ މަސައްކަތް ކުރަމުންނެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

ގަމު ހޮސްޕިޓަލުގެ އާ އިމާރާތާއި ބަނދަރުގެ މަޝްރޫއު އެމްޓީސީސީއަށް

990

ބޮޑުތަކުރުފާނު މަގުގައި ތާރުއަޅަން ބައެއް މަގުތައް ބަންދުކުރަނީ

ދ.މާއެނބޫދޫ ބިން ހިއްކުމުގެ ޢަމަލީ މަސައްކަތް ފަށައިފި

Mal

ހިތަދޫ–ކުނަހަންދޫ ކޯޒްވޭ ގާއިމުކުރުމުގެ އަމަލީ މަސައްކަތް ފަށައިފި

TTH_advertisement