މޯލްޑިވްސް ޕޯޓްސް ލިމިޓަޑް (އެމްޕީއެލް) އިން ހުސް ކޮންޓެއިނަރު ބަހައްޓަން ތިލަފުށީގައި ގާއިމްކުރި “އެމްޕްޓީ ކޮންޓޭނަރު ޑީޕޯ” ޕޯޓްގެ އޮޕަރޭޝަންސްތަކުގައި މިއަދުން ފެށިގެން ބޭނުންކުރަން ފަށައިފިއެވެ.
އެމްޕީއެލްއިން ވިދާޅުވީ ޖުމްލަ 2400 ޓީއީޔޫގެ އެ ޑީޕޯ ބޭނުންކުރަން ފެށުމުން ޖާގައިގެ ދަތިކަމުގެ ސަބަބުން މާލޭ ވިޔަފާރި ބަނދަރާއި ހުޅުމާލެ ޓާރިމަނަލްގެ އޮޕަރޭޝަންސްއަށް ދިމާވެފައިވާ މައްސަލަތަކަށް ބޮޑު ލުއިއެއް ލިބިގެންދާނެ ކަމަށެވެ.
އެ ޑީޕޯގެ ޖުމްލަ ކެޕޭސިޓީއަކީ 2400 ޓީއީޔޫސް ކަމަށް އެމްޕީއެލްއިން ވިދާޅުވިއެވެ.
ތިލަފުށީގައި ގާއިމްކުރި “އެމްޕްޓީ ކޮންޓޭނަރު ޑީޕޯ”ގައި 60 މީޓަރު ކި ވޯލެއް ތަރައްގީކޮށް، އެ ސަރަހައްދުގެ ބިން އެއްވަރުކުރުމުގެ މަސައްކަތް ކުރިއަށް ގެންދެވިފައިވަނީ އެމްޓީސީއާ ހަވާލުކޮށްގެންނެވެ.
އަދި އެ މަސައްކަތަށްފަހު، އެ ޑީޕޯގައި އޮޕަރޭޝަންސްގައި ބޭނުންކުރެވޭ ފެންވަރަށް ގެންދިއުމަށް އެމްއެލްގެ ޓީމުތަކުންވެސް ގިނަ މަސައްކަތްތަކެއް ކުރިއެވެ.
ކިޔުންތެރިންގެ ހިޔާލު