ބަންގްލަދޭޝްގެ ޑާކާގައި ކުރިއަށްދިޔަ އޭޝިއަން ޓޫރިޒަމް ފެއަރ (އޭޓީއެފް 2025) ގައި ރާއްޖެ އިޝްތިހާރުކޮށްފިއެވެ.

މި ފެއަރ ބާއްވާފައިވަނީ މިމަހުގެ 18 އިން 20 ގެ ނިޔަލަށެވެ. މި ފެއަރގައި ވިޒިޓް މޯލްޑިވްސްއިން ބައިވެރިވެ ރާއްޖެ އިޝްތިހާރުކޮށްފައިވަނީ އެ ގައުމުގައި ހުންނަ ދިވެހިރާއްޖޭގެ ހައިކޮމިޝަނާއި ގުޅިގެންނެވެ.

މި ފެއަރގައި އޭޝިއާ ސަރަހައްދުގައި ފަތުރުވެރިކަމުގެ ސިނާއަތުގައި މަސައްކަތް ކުރާ ކުންފުނިތަކާއި ހިއްސާދާރުންގެ އަދި ސަރުކާރުތަކުގެ މުވައްސަސާތަކުންނާއ،ި އޭޖެންސީތަކުން ބައިވެރިވިއެވެ. މި ފެއާ މެދުވެރިކޮށް ވިޔަފާރިތަކާއި ކުންފުނިތައް އަދި ސަރުކާރު މުވައްސަސާތަކުގެ މެދުގައި ގުޅުން ވަރުގަދަކުރުމާއ،ި އެކުގައި ކުރިއަށް ދެވޭނެ ގޮތްގޮތާ ގުޅޭގޮތުން މަޝްވަރާ ކުރުމުގެ ފަހި ފުރުސަތުތަކެއް ލިބިގެން ދިޔަކަމަށް ވިޒިޓް މޯލްޑިވްސްއިން ވަނީ ބުނެފައެވެ.

އޭޓީއެފް 2025ގެ މައިގަނޑު ހަރަކާތުގެ ގޮތުގައި ފަތުރުވެރިކަމުގެ ސިނާއަތުގައި މަސައްކަތްކުރާ ކުންފުނިތަކުގެ މެދުގައި ގުޅުން ބަދަހިކުރުމަށާއ،ި ކުންފުނިތަކާއި މުވައްސަސާތައް ގުޅުވައިދޭ ހާއްސަ އެގްޒިބިޝަނެއް ބޭއްވިއެވެ. އަދި އިތުރު އިވެންޓްތަކުގެ ގޮތުގައ،ި ގްރީން އިނިޝިއޭޓިވް ޝޯކޭސ،ް ކޮމިއުނިޓ-ީބޭސްޑް ޓޫރިޒަމް މާޓްސ،ް އަދި ފަތުރުވެރިކަމާއި ގުޅުންހުރި ކޮންވެންޝަންތަކާއި، ސެމިނާ، ވޯކްޝޮޕްގެ އިތުރުން އާދަކާދައާއި ސަގާފަތް ދައްކުވައިދޭ މިއުޒިކީ ހުށައެޅުންތައްވެސް ކުރިއަށްގެންދިޔައެވެ.

ވިޒިޓް މޯލްޑިވްސް ކޯޕަރޭޝަނުން ބުނީ މި ފެއާގައި ބައިވެރިވާ އެގްޒިބިޓަރުންނަށް އެފަރާތްތަކުގެ ވިޔަފާރިއާ ގުޅުންހުރި ޑިޖިޓަލް ބްރައުޗާތަކާއި ވީޑިއޯ އަދި އެހެނިހެން ޕްރޮމޯޝަނަލް މެޓީރިއަލް ބޭނުންކޮށް ވިޔަފާރިތަކުން ފޯރުކޮށްދޭ ހިދުމަތްތަކާއި ތަކެތީގެ މައުލޫމާތު ފެއާގެ ބައިވެރިންނަށް ހިއްސާކޮށްފައިވާކަމަށް ވިދާޅުވިއެވެ.

“އޭޓީއެފް 2025” ގައި ޓޫރިޒަމް ވިޔަފާރިތަކުން ފަތުރުވެރިންނަށް ހުރި ތަފާތު ޕްރޮޑަކްޓްތައް ދައްކާލައި އެފަރާތްތަކާއި މީޑިއާގެ ޕާޓްނަރުން ބައްދަލުކޮށް ގުޅުން ރަނގަޅުކުރުމަށް ފުރުސަތު ލިބިފައިވާކަމަށް ވިޒިޓް މޯލްޑިވްސް ކޯޕަރޭޝަންގެ މެނޭޖިންގ ޑިރެކްޓަރ އިބްރާހިމް ޝިއުރީ ވަނީ ވިދާޅުވެފައެވެ.