މީޑިއާ އެންޑް ބްރޯޑްކާސްޓިން ރެގިއުލޭޝަން ބިލު އިސްލާހުކުރުމުގައި ދިވެހި ސަރުކާރުން ނޫސްވެރިންގެ ޚިޔާލުތަކަށް އިޙްތިރާމްކޮށް، އެ ޚިޔާލުތައް ބިލަށް ގެނެވުނު އިސްލާހުތަކުގައި ހިމަނާފައިވާ ކަމަށް ރައީސް އޮފީހުގެ މިނިސްޓަރ އޮފް ސްޓްރެޓީޖިކް ކޮމިއުނިކޭޝަން އިބްރާހިމް ޚަލީލު ވިދާޅުވެއްޖެއެވެ.
“އަޅުގަނޑު ދަންނަވާނީ ދިވެހި ސަރުކާރުން، މިއަދުގެ ސަރުކާރުން ނޫސްވެރިންގެ އަޑު އަހައިފިއޭ. ނޫސްވެރިން ބޭނުންވި، ނޫސްވެރިން ފާޅުކުރި ޝުޢޫރުތަކާ އެކީގައި، އެ ޚިޔާލުތަކާއި އެ މަޝްވަރާތަކާ އެކީގައި އެޓާނީ ޖެނެރަލް ބިލަށް އިސްލާހުތަކެއް ހުށަހެޅި، އެ އިސްލާހުތަކާ އެކީގައި ފާސްވެގެން އެ ދިޔައީ. އެހެންވީމާ ސަރުކާރުން ނޫސްވެރިންގެ އަޑު އަހައިފި. މިއަކަށް ދެބަހެއް ނުވެވޭނެ،” ޚަލީލު
ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ވަނީ ގިނަ އިސްލާހުތަކަކާއެކު މީޑިއާ އެންޑް ބްރޯޑްކާސްޓިން ރެގިއުލޭޝަން ބިލު ފާސްކޮށްފައެވެ. އެހެންނަމަވެސް، ނޫސްވެރިންގެ ކަންބޮޑުވުންތަކަށް އެކަށީގެންވާ ހައްލެއް ނުލިބޭ ކަމަށް ބުނެ، ކޮމިޓީ ބައްދަލުވުމަށް ހާޒިރުވި ނޫސްވެރިން އިހުތިޖާޖުކުރަމުން ދިޔައެވެ.
މީޑިއާ ބިލާ ގުޅޭ މައުލޫމާތު ހިއްސާކުރުމަށް މީރުމާގައި ރޭ ބޭއްވުނު “ނޫސްވެރިންގެ ފޯރަމް” ގައި ވާހަކަފުޅު ދައްކަވަމުން ޚަލީލު ވިދާޅުވީ، ބިލު ހުށަހެޅުމާ ގުޅިގެން ނޫސްވެރިން ދިޔައީ އެ ފަރާތްތަކުގެ ކަންބޮޑުވުންތަކާއި ޝުޢޫރުތައް ފާޅުކޮށް، އަދި ސޯޝަލް މީޑިއާގެ ޒަރީޢާއިން އިސްލާހުތައް ހުށަހަޅަމުން ކަމަށެވެ.
ކިޔުންތެރިންގެ ހިޔާލު