ބަންޑާރަނައިބުގެ އޮފީހަށް 75 އަހަރު ފުރުމުގެ މުނާސަބަތުގައި މިރޭ ބާސެލޯ ނަސަންދުރާގައި ބޭއްވުނު ރަސްމީ ޖަލްސާ ރައީސް ޑރ. މުޙައްމަދު މުޢިއްޒު ޝަރަފުވެރިކޮށްދެއްވައިފިއެވެ.
މި ރަސްމިއްޔާތުގައި ރައީސް މުޢިއްޒު ވަނީ ބަންޑާރަނައިބުގެ އޮފީހުގެ “އަލިމަސް ޔޫބީލް ހަނދާނީ ފޮތް” ނެރުއްވައި، ބަންޑާރަނައިބުގެ އޮފީހުގެ އައު ވެބްސައިޓް އިފްތިތާޙްކޮށްދެއްވާފައެވެ. އަދި މި މުނާސަބަތުގައި ބަންޑާރަނައިބުގެ އޮފީހުގެ ފަރާތުން ރައީސަށް ހަނދާނީ ފިލައެއް އަރުވާފައިވެއެވެ. މި ހަނދާނީ ފިލާ އެރުވީ ބަންޑާރަނައިބު އަޙްމަދު އުޝާމެވެ.
ޖަލްސާގައި ބަންޑާރަނައިބުގެ އޮފީހަށް ދިގު މުއްދަތަކަށް ޚިދުމަތްކޮށްފައިވާ މުވައްޒަފުންނަށް އިނާމު ދެއްވާފައިވެއެވެ. މިގޮތުން 20 އަހަރަށްވުރެ ދިގު މުއްދަތަކަށް ޚިދުމަތްކުރައްވާފައިވާ މުވައްޒަފުންނަށް ރައީސް އިނާމު ޙަވާލުކޮށްދެއްވިއެވެ. އަދި 15 އަހަރާއި 20 އަހަރާ ދެމެދުގެ މުއްދަތަށް ޚިދުމަތްކޮށްފައިވާ މުވައްޒަފުންނަށް ބަންޑާރަނައިބު އަޙްމަދު އުޝާމް އިނާމު ޙަވާލުކޮށްދެއްވިއެވެ.
ކިޔުންތެރިންގެ ހިޔާލު