މުހިންމު ތަމްރީނެއް ހެދުމަށް ރާއްޖެ ޒިޔާރަތްކުރި ބަންގްލަދޭޝްގެ 50 އޮފިސަރަކު މޯލްޑިވްސް ޕޯޓްސް ލިމިޓެޑް (އެމްޕީއެލް)އަށް އިއްޔެ ޒިޔާރަތް ކޮށްފިއެވެ.

މިއީ ބަންގްލަދޭޝް ޑިފެންސް ސަރވިސެސް ކޮމާންޑް އެންޑް ކޮމާންޑްގެ 50 އޮފިސަރަކު މިހާރު ރާއްޖޭގައި ހަދަމުން ގެންދާ ތަމްރީނު ޕްރޮގްރާމެއްގެ ދަށުން ކޮށްފައިވާ ޒިޔާރަތެކެވެ. އަދި މި ޒިޔާރަތުގެ ތެރެއިން އެމްޕީއެލް އިންވަނީ އެ އޮފިސަރުންނަށް ހޫނު މަރުހަބާއެއް ކިޔައިފައެވެ.

އެމްޕީއެލްގެ މާލެ ޕޯޓަށް ބަންގްލަދޭޝްގެ އޮފިސަރުން ޒިޔާރަތް ކުރުމުން، އެ ކުންފުނިން ވަނީ އެމްޕީއެލް އިން ދެމުންގެންދާ ހިދުމަތްތަކުގެ ފުރިހަމަ މައުލޫމާތުދީ، އެމްޕީއެލް ސަރަހައްދުގެ ޓުއަރެއް ވެސް ދީފައެވެ.

މި ޒިޔާރަތް އެމްޕީއެލް އިން ކުރިއަށް ގެންގޮސްފައިވަނީ މިނިސްޓްރީ އޮފް ޑިފެންސްގެ ވެސް އެހީތެރިކަމާއެކުގައެވެ.