ފުލުހުންގެ އިދާރާގެ ތިޖޫރީއަކުން 30،000 ޑޮލަރު ގެއްލުނު މައްސަލައެއް ބަލަން ފަށައިފިއެވެ.
ފުލުހުން މިރޭ ބުނީ 2019 ވަނަ އަހަރުގެ ސެޕްޓެމްބަރު މަހުގެ 15 ވަނަ ދުވަހު ހުށަހެޅުނު މައްސަލައެއްގައި ހިފަހައްޓާފައި ބެހެއްޓި ފައިސާއާ ބެހޭގޮތުން ފާހަގަކުރެވުނު ޖުމުލަ ހިސާބުގެ ފަރަގަކާ ގުޅޭ މައްސަލައެއް ކްރިމިނަލް އިންވެސްޓިގޭޝަން ކޮމާންޑުން ތަހުގީގުކުރަމުން އަންނަ ކަމަށެވެ.
ހިސާބުތަކުގައި 30،000 ޑޮލަރުގެ ފަރަގެއް އުޅޭކަން ފާހަގަކުރެވިފައިވާ ކަމަށާއި އެކަން ފާހަގަކުރެވިފައިވަނީ އިއްޔެ ކަމަށެވެ. އަދި ހަލާކުވެފައިވާ ފައިސާ ވެސް، އެ ފައިސާ ބެހެއްޓިފައިވާ ތަނުން ކޮތަޅެއްގެ ތެރެއިން ފެނިފައިވާތީ އެކަން ފޮރެންސިކް މެދުވެރިކޮށް ބަލަމުން އަންނަ ކަމަށް ފުލުހުން ބުންޏެވެ.
މައްސަލައެއްގައި 2019 ވަނަ އަހަރު ހިފެހެއްޓުނު ފައިސާގެ ޖުމުލަ އަދަދެއް ފުލުހުން ހާމަކޮށްފައެއް ނުވެއެވެ.
ކިޔުންތެރިންގެ ހިޔާލު