ފުވައްމުލަކުގައި ރޭ ހިނގި ސައިކަލް އެކްސިޑެންޓެއްގައި 17 އަހަރުގެ ޒުވާނަކު މަރުވެއްޖެއެވެ.

ފުލުހުން ބުނީ މި އެކްސިޑެންޓް ހިނގާފައިވާ ކަމުގެ މައުލޫމާތު އެފަރާތަށް ލިބުނީ ރޭ މެންދަމު 02:40 ހާއިރުކަމަށެވެ. މި އެކްސިޑެންޓް ހިނގާފައިވަނީ ފުވައްމުލަކު ފުނާޑު ހުސްނުހީނާމަގުން ދުއްވާފައިދިޔަ ސައިކަލެއް ފާރުގައިޖެހި ކޮންޓްރޯލްނުވެ އެންމެފަހުން މަގުބައްތި ހޮޅިދަނޑިއެއްގައި ޖެހިގެންނެވެ.

އެކްށިޑެންޓްގައި ސައިކަލް ދުއްވަން އިނީ 17 އަހަރުގެ ފިރިހެންކުއްޖެއްކަމަށް ފުލުހުން ބުނެއެވެ. އެކުއްޖާ މަރުވީ ހޮސްޕިޓަލަށް ގެންގޮސް ފަރުވާދެމުން ދަނިކޮށް ރޭ 03:38 ހާއިރުކަމަށް ހޮސްޕިޓަލުން ވަނީ ފުލުހުންނަށް މައުލޫމާތުދީފައެވެ.