ވޭޕާ ގުޅޭ މައްސަލަތަކުގައި މިދިޔަ މަހު 22 މީހަކު ޖޫރިމަނާކޮށްފައިވާ ކަމަށް ފުލުހުން ބުނެފިއެވެ.
ރާއްޖޭގައި ވޭޕް ބޭނުން ކުރުމާއި ވޭޕް އެތެރެކުރުން މިދިޔަ ޑިސެމްބަރު މަހުގެ 15 އިން ފެށިގެން މަނާކޮށް، ވޭޕް ބޭނުންކުރާ ނަމަ، ގާނޫނުގެ ދަށުން ބޮޑެތި އަދަދުތަކުން ޖޫރިމަނާކުރަން ވަނީ ފަށައިފައެވެ.
ފުލުހުން މިއަދު ބުނީ ވޭޕާ ގުޅޭ މައްސަލަތަކުގައި މިދިޔަ މަހު 22 މީހަކު ޖޫރިމަނާކޮށްފައިވާ ކަމަށާއި އެއީ ޖުމުލަ 127،000 ރުފިޔާގެ ޖޫރިމަނާ ކަމަށެވެ.
ފުލުހުންގެ މިދިޔަ މަހުގެ ތަފާސްހިސާބުތަކުން ދައްކާ ގޮތުގައި މިދިޔަ މަހު ވޭޕްކޮށްގެން ކުރި ޖޫރިމަނާ 62،000 ރުފިޔާއަށް އަރައެވެ.
ވޭޕް ވިއްކައިގެން ނުވަތަ ގަނެގެން ކުރި ޖޫރިމަނާގެ އަދަދު 7،000 ރުފިޔާއަށް އަރާ އިރު، ވޭޕު ގެންގުޅެގެން ކުރި ޖޫރިމަނާގެ އަދަދު 58،000 ރުފިޔާއަށް އަރާ ކަމަށް ތަފާސްހިސާބުތަކުން ދައްކައެވެ.
ކިޔުންތެރިންގެ ހިޔާލު