އުސިން ޑިވެލޮޕްމަންޓް ކޯޕަރޭޝަން(އެޗްޑީސީ) އިން ކ. ތިލަފުށީގައި ތަރައްގީކުރި ކެމިކަލް ގުދަންތައް ދޫކުރުމަށް ހުޅުވާލައިފިއެވެ.

ކެމިކަލް ގުދަން ކުއްޔަށް ދިނުމަށްޓަކާ ދެ އިމާރާތަކުން 16 ގުދަނެއް ދޫކުރުމަށް އެޗްޑީސީން ވަނީ ނިންމާފައެވެ.

އެ ގުދަންތަކުގެ ތެރޭގައި 990 އަކަފޫޓުން މަތީގެ 14 ގުދަން ހިމެނެއެވެ. އަދި 600 އާއި200 އަކަފޫޓުން މަތީގެ ދެ ގުދަން ހިމެނެއެވެ.

އެޗްޑީސީން ބުނީ ޕްރީ ޕްރޮޕޯސަލް ހުށަހެޅުން އޮންނާނީ 3 އޮގަސްޓު 2025 ގައި ކަމަށެވެ.

އަދި އެ ގުދަންތައް ކުއްޔަށް ނަގަން ބީލަން ހުށައެޅުން އޮންނާނީ އޮގަސްޓްމަހުގެ 20 ވަނަ ދުވަހުގެ 14:00 ކުރިން ކަމަށް އެޗްޑީސީން ހާމަކުރެއެވެ.

އެޗްޑީސީން ބުނީ އެ ގުދަންތައް ތަރައްގީކޮށްފައި ވަނީ 90 މިނެޓުވަންދެން އަލިފާން ނުހިފާ ހުންނަ ފަދަ ފަޔަރ-ރޭޓެޑް ސްޓްރަކްޗަރ ބޭނުންކޮށްގެން ކަމަށެވެ. މީގެ އިތުރުން އަލިފާން ނިއްވާ ނިޒާމުތަކާއި، ސީސީޓީވީ ކެމެރާ ސިއްޓަމްތަކާއި، ސެކިއުރިޓީ ރޫމުވެސް އެ ގުދަންތަކުގައި ހުންނާނެ ކަމަށް އެޗްޑީސީން ބުނެފައި ވެއެވެ.