އެޗްޑީސީގެ މެނޭޖިން ޑިރެކްޓަރުކަމަށް އަލީ ޒުހައިރު އައްޔަންކޮށްފިއެވެ.
އަލީ ޒުހައިރު އެ މަގާމަށް އައްޔަންކުރުމާ ހަމައަށް ހުންނެވީ އާރްޑީސީގެ އެމްޑީ ކަމުގައެވެ.
އެޗްޑީސީގެ އެމްޑީ ކަމުގައި ހުންނެވި މުހައްމަދު މައުރޫފް ޖަމީލް މިއަދު ވަނީ އިސްތިއުފާ ދެއްވާފައެވެ.
މައުރޫފް މަގާމުން އިސްތިއުފާ ދެއްވާފައި މިވަނީ އަންނަ މަހު 18ގައި ރިޓަޔާކުރައްވަން ނިންމަވައި އެކަން އިއުލާން ކުރައްވާފައި ވަނިކޮށެވެ.
މައުރޫފް އެޗްޑީސީގެ މެނޭޖިން ޑިރެކްޓަރަކަށް އައްޔަނުކުރީ މިދިޔަ އަހަރުގެ ޑިސެމްބަރު މަހުގެ 22 ވަނަ ދުވަހުއެވެ. އޭނާ އެ މަގާމަށް އައްޔަންކުރީ އެ މަގާމުގައި ކުރިން ހުންނެވި އިބްރާހީމް ފަޒުލް ރަޝީދު އިސްތިއުފާ ދެއްވުމުންނެވެ. ފަޒުލް އިސްތިއުފާ ދެއްވީ އޭނާގެ މައްޗަށް ތުހުމަތު ކުރެވޭ ކޮރަޕްޝަންގެ މައްސަލަތަކެއް ފުލުހުން ބަލަން ފެށުމުންނެވެ.
މައުރޫފް މަގާމާ ހަވާލުވެވަޑައިގެންނެވި ފަހުން، ވަނީ ހުޅުމާލޭގެ މާސްޓާޕްލޭނަށް ޒަމާނާއެއްގޮތަށް މުހިންމު ބަދަލުތަކެއް ގެނެސްފައެވެ.
އަލީ ޒުހައިރަކީ އެމްއެންޑީއެފްގައި 30 އަހަރު ޚިދުމަތް ކުރައްވާފައިވާ ބޭފުޅެކެވެ.
ކިޔުންތެރިންގެ ހިޔާލު