އުއްތަމަ ފަނޑިޔާރު ކަމުގެ މަގާމަށް ތިން ބޭފުޅަކު ކުރިމަތިލައްވައިފި އެވެ.
އެ މަގާމަށް ކުރިމަތިލެއްވި ބޭފުޅުންނަކީ ސުޕްރީމް ކޯޓުގެ ކުރީގެ ފަނޑިޔާރު އަބްދުލްޣަނީ މުހައްމަދާއި ހައި ކޯޓުގެ ކުރީގެ އިސް ފަނޑިޔާރު ޝުޖާއު އުސްމާނާއި ފެމިލީ ކޯޓުގެ ގާޒީ އަދި ކްރިމިނަލް ކޯޓުގެ ކުރީގެ އިސް ގާޒީ އަބްދުﷲ މުހައްމަދު (އަބްދުﷲ ގާޒީ) އެވެ.
އެ ބޭފުޅުންގެ ތެރެއިން އަބްދުލްޣަނީ މުހައްމަދު ވަނީ ސުޕްރީމް ކޯޓާއި ހައިކޯޓުގެ ފަނޑިޔާރުކަން ކުރައްވާފައެވެ. ޝުޖާއު އުސްމާން ވަނީ ހައިކޯޓުގެ ފަނޑިޔާރު ކަމާއި ގއ. ޖުޑީޝަލް ދާއިރާގެ އިސް މެޖިސްޓްރޭޓްކަން ކުރައްވާފައެވެ.
އުއްތަމަ ފަނޑިޔާރުކަން ހުސްވީ އަހްމަދު މުއުތަސިމް އަދުނާން އެ މަގާމުން އިސްތިއުފާދެއްވުމުންނެވެ. މިހާރު ސުޕްރީމް ކޯޓުގެ ހިންގުން ހަވާލުކޮށްފައި ވަނީ ފަނޑިޔާރު އަބްދުﷲ ހަމީދާއެވެ.
ކިޔުންތެރިންގެ ހިޔާލު