މުޅި ގައުމުގެ ސަމާލުކަމަށް އައި މަޝްހޫރު ވިޔަފާރިވެރިޔާ އަހްމަދު ސިޔާމް މުހައްމަދާއި ނެށުންތެރިޔާ އާމިނަތު ޒާރާގެ ކައިވެނި ރޫޅިއްޖެއެވެ.

ސިޔާމާއި ޒާރާގެ ކައިވެނި ރޫޅާލާފައިވާކަން ހާމަކުރެއްވީ ވެލިދޫ ދާއިރާގެ މެންބަރު މުހައްމަދު އައްބާސްއެވެ.

ފޭސްބުކުގައި ކުރެއްވި ޕޯސްޓެއްގައި އައްބާސް ވިދާޅުވީ ދެމީހުންގެ ކައިވެނި ނިމުމަކަށް ގެނައީ ސުލްހަވެރިކަމާއެކު، ދެފަރާތުން ވާހަކަ ދައްކައިގެން ކަމަށެވެ.

“އޮންރަބަލް އަހުމަދު ސިޔާމް މުހަންމަދު އާއި ޒާރާ މެޑަމް ގެ ކައިވެނި އަކީ އެކަކު އަނެކުން ދެކެ ލޯބި ވެގެން ކުރެވިގެން ދިޔަ ކައިވެނިއެއް. ހަމަ އެހެންމެ އޮންރަބް އަހުމަދު ސިޔާމް މުހަންމަދު އާއި ޒާރާ މެޑަމް ކައިވެނި ރޫޅާލާފައި ވަނީވެސް އެކަކު އަނެކުންގެ މެދުގައި ރިވެތިގޮތުގައި މަސްވަރާކުރުމަށް ފަހު ސުލްހަވެރިކަމާއެކު ސުލްހަވެރި މާހައުލެއްގައި.” އައްބާސް ފޭސްބުކްގައި ލިޔުއްވާފައި ވެއެވެ.

ޒާރާ އަކީ 2024 އަހަރުގެ ބޮޑު އީދު ތެރޭގައި ބ. ކަމަދޫއިން ވިދާލި ނެށުންތެރިއެކެވެ.