ވަގަށް ސިނގިރޭޓް އެތެރެކުރި މައްސަލައިގައި ހޯކްސްއަށް ސްމަގްލިން ދައުވާކުރެވޭ ގޮތް ވެފައިނުވަނީ ދައުވާކުރެވޭ މިންވަރަށް މިވަގުތު ހެކި ނެތުމުން ކަމަށް ޕްރޮސިކިއުޓާ ޖެނެރަލް (ޕީޖީ) އޮފީހުން ބުނެފިއެވެ.
ރައްޔިތުންގެ މަޖިލީހުގެ 241 ކޮމިޓީއެއްގައި ދާދިފަހުން ވާހަކަދައްކަވަމުން މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމް ވަނީ ހޯކްސްގެ މައްޗަށް ދައުވާކޮށްފައިނުވާތީ އެކަމާ ކަންބޮޑުވުން ފާޅުކުރައްވައިފައެވެ. ނާޒިމް ވިދާޅުވެފައިވާ ގޮތުގައި ހޯކްސްއަށް ސްމަގްލިން ދައުވާކުރަން ފޮނުވިތާ ދެ މަސްވެއްޖެއެވެ.
އެ ވާހަކަތަކާ ގުޅިގެން ޕީޖީ އޮފީހުން ބުނީ މަޖިލިސް މެންބަރުންގެ ކަންބޮޑުވުމަކީ ބޭރު މީހުންނާއެކު ނަސޭހަތުގެ އެއްބަސްވުމެއް ހެދުމުން، އެ މައްސަލައިގެ މިހާރު ކުރިއަށްދާ ތަހިގީގަށް ހުރަސްއެޅިދާނެތީ ކަމަށާއި ނަމަވެސް އެ ފުރުސަތު ނައްތާލުމަށް ނަސޭހަތުގެ އެއްބަސްވުމުގައި ބައިތައް ހިމަނާފައިވާނެ ކަމަށެވެ. އެގޮތުން ތަހުގީގަށާއި، ޝަރީއަތަށް އެއްބާރުލުން ދިނުން ޝަރުތެއް ގޮތުގައި ހިމަނާފައިވާނެ ކަމަށެވެ.
ހޯކްސް މައްޗަށް ދައުވާކުރެވޭ މިންވަރަށް މިވަގުތު ހެކި ނެތަސް، އިތުރު ހެކި ލިބިއްޖެނަމަ އެ ކުންފުނީގެ މައްޗަށް ދައުވާކުރެވޭނެ ކަމަށް ޕީޖީން ބުންޏެވެ.
ކިޔުންތެރިންގެ ހިޔާލު