ކުއްލި ޚަބަރު

ގެވެށި އަނިޔާގެ މައްސަލައެއްގައި މެލޭޝިއާއިން ދިވެއްސަކު ހައްޔަރުކޮށްފި

ބ. އަތޮޅު ރިސޯޓެއްގައި މަރުވި ޒުވާނެއްގެ އޮޓޮޕްސީ ހަދަނީ

މޫސުން ގޯސްވެއްޖެ

ޤަޠަރުގައި ދިވެހިރާއްޖޭގެ އެމްބަސީއެއް އުފައްދަވައިފި

ޤަޠަރުގައި ހުންނަ ދިވެހިރާއްޖޭގެ އެމްބަސީ އުފައްދަވައި، އެ އިދާރާއަކީ ޚާރިޖީ ވުޒާރާގެ ދަށުން ހިނގަމުންދާ ތަނެއްގެ ގޮތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ހަމަޖައްސަވައިފިއެވެ. މި އިދާރާ އުފެއްދެވިކަން އިޢުލާން ކުރައްވާފައިވަނީ މިއަދު ރައީސުލްޖުމްހޫރިއްޔާގެ އޮފީހުން ނެރުއްވި ދެންނެވުމުގައެވެ.

ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ ދަށުން ރައީސުލްޖުމްހޫރިއްޔާއަށް ލިބިވަޑައިގަންނަވާ އިޚުތިޔާރުގެ ދަށުން، ރާއްޖޭގެ އެމްބަސީއެއް ޤަޠަރުގައި އުފެއްދެވީ ރާއްޖެއާއި ޤަޠަރާ ދެމެދު އޮންނަ ގުޅުން ބަދަހިކޮށް، ދެ ޤައުމުގެ ދެމެދުގައި ތަޢުލީމީ، ސިޔާސީ، އިޤުތިޞާދީ އަދި އަސްކަރީ ގުޅުންތައް ކުރިއެރުވުމަށްޓަކައިކަމަށް ރައީސުލްޖުމްހޫރިއްޔާގެ އޮފީހުން ވިދާޅުވިއެވެ.

ރައީސުލްޖުމްހޫރިއްޔާގެ އޮފީހުން ނެރުއްވި ދެންނެވުމުގައި ޤަޠަރުގައި ހުންނަ ދިވެހިރާއްޖޭގެ އެމްބަސީއަށް ހަމަޖެއްސެވި މަސައްކަތްތައް ބަޔާންކުރައްވާފައިިވެއެވެ. އަދި މި އިދާރާއަށް އިނގިރޭސިބަހުން ބޭނުންކުރަން ހަމަޖައްސަވައިފައިވާ ރަސްމީ ނަންވެސް ބަޔާންކުރައްވާފައިވެއެވެ.

ދައުލަތުގެ އިދާރާތަކުން ލިޔުއްވާ ސިޓީގައި ނަންބަރު ޖެއްސެވުމުގައި، ޤަޠަރުގައި ހުންނަ ދިވެހިރާއްޖޭގެ އެމްބަސީއަށް ލިޔުއްވާ ސިޓީގައި ޖައްސަވަމުން ގެންދަވާނީ 502އެވެ. އެމްބަސީގެ ނަމަކީ “ޤަޠަރުގައި ހުންނަ ދިވެހިރާއްޖޭގެ އެމްބަސީ”އެވެ.

ދިވެހިރާއްޖެއާއި ޤަތަރާއި ދެމެދު ފުރަތަމަ ސިޔާސީ ގުޅުން ޤާއިމުކުރީ 1984 ވަނައަހަރުގެ މޭ މަހުގެ 26 ވަނަދުވަހުއެވެ. ޤަތަރާއެކު އޮތް ގުޅުން ރާއްޖެއިން ކަނޑާލީ 2017 ވަނައަހަރުގެ ޖޫންމަހުގެ 5 ވަނަދުވަހުއެވެ. އަލުން އެ ގުޅުން ޤާއިމްކުރީ 2021 ވަނަ އަހަރުގެ ޖެނުއަރީ މަހުގެ 6 ވަނަ ދުވަހުއެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

ގެވެށި އަނިޔާގެ މައްސަލައެއްގައި މެލޭޝިއާއިން ދިވެއްސަކު ހައްޔަރުކޮށްފި

Stelco fahumy

ފަސޭހަ ދިރިއުޅުމެއް ގެނެސްދިނުމަށް އިންޖިނޭރުން ކުރަނީ އަގުނުކުރެވޭ ބުރަ މަސައްކަތްތަކެއް: ފަހުމީ

Original 1756549238144

ޗައިނާއިން ރައީސް ޑރ.މުއިއްޒުއަށް ހޫނު މަރުހަބާއެއް

Original 1756517688252

އެމްޔޫ މަނިކުގެ މައްޗަށް ޣައިބަށް ކުރާ ކަށުނަމާދު އަސްރު ނަމާދަށްފަހު އިސްލާމީ މަރުކަޒުގައި

ELL Mobile Advertisement TTH_advertisement