ކުއްލި ޚަބަރު

ކޮންމެ ފުލުހަކީ ނަޒާހާތްތެރިކަމާއެކު މަސައްކަތްކުރާ މީހަކަށް ވާންޖެހޭ: އިހްސާން

އެމްޔޫމަނިކުގެ ހަޔާތުގެ އެންމެ ފަހުގެ އުންމީދަކީ ވެސް މިސްކިތެއް ބިނާކުރެއްވުން: ޝަހީމް

ފަތުރުވެރިކަމުގެ މަންޒިލަކަށް ހެއްދެވުމަށް އެމްޔޫ މަނިކު ކުރެއްވި މަސައްކަތް ނުހަނު ބޮޑު: ރައީސް

އައިޑީ ކާޑު ޕްރިންޓް ކުރުމުގެ ޚިދުމަތް ހޯރަފުށީގައި ފަށައިފި

ހއ. ހޯރަފުށީގައި ދިވެހި ރައްޔިތެއްކަން އަންގައިދޭ ކާޑު ޕްރިންޓް ކުރުމުގެ ޚިދުމަތް ފަށައިފިއެވެ.

ޑިޕަރޓްމަންޓް އޮފް ނޭޝަނަލް ރެޖިސްޓްރޭޝަނުން ބުނީ އިއްޔެ އެ ޚިދުމަތް ރަސްމީކޮށް ފެށީ ހއ. ހޯރަފުށީ ކައުންސިލްގައި ކަމަށެވެ. އެ ޚިދުމަތް ކުރިއަށްއޮތް ތަނުގައި އެރަށުގައި ފޯރުކޮށްދޭނީ ވެސް ކައުންސިލުންނެވެ.

ސަރުކާރުން އަންނަނީ މުޅި ރާއްޖޭގައި އައިޑީ ކާޑު ޕްރިންޓް ކުރުމުގެ ޚިދުމަތް ފޯރުކޮށްދިނުމުގެ މަސައްކަތް ބާރު ސްޕީޑްގައި ކުރަމުންނެވެ. އެގޮތުން ސަރުކާރުގެ އެންމެ ފުރަތަމަ އަމާޒަކީ ކޮންމެ އަތޮޅަކުން އެ ޚިދުމަތް ފޯރުކޮށްދޭން ފެށުމެވެ. އެ މަސައްކަތުގެ ތެރެއިން އަތޮޅު ކައުންސިލްތަކުގައި ވެސް އައިޑީކާޑު ޕްރިންޓް ކުރުމުގެ ޚިދުމަތް މީގެކުރިން ވަނީ ފަށައިފައެވެ.

ނޭޝަނަލް ރެޖިސްޓްރޭޝަނުން ބުނީ ހޯރަފުށީގައި ފެށި އައިޑީ ކާޑު ޕްރިންޓް ކުރުމުގެ ޚިދުމަތާއެކު، ރާއްޖޭގެ 23 ރަށަކުން މިހާރު އެ ޚިދުމަތް ލިބޭނެ ކަމަށެވެ.

އައިޑީ ކާޑު ޕްރިންޓް ކުރުމުގެ ހިދުމަތުގެ އިތުރުން، ޕާސްޕޯޓް ހެއްދުމުގެ ހިދުމަތް ފުޅާކުރުމުގެ މަސައްކަތް ވެސް ސަރުކާރުން އަންނަނީ ކުރަމުންނެވެ. އެގޮތުން އަތޮޅުތަކާއި، ދިވެހިން އެންމެ ގިނައިން ދިރިއުޅޭ މެލޭޝިއާގައި ވެސް އައިޑީ ކާޑާއި ޕާސްޕޯޓް ދޫކުރުމުގެ ޚިދުމަތް މިއަހަރު ވަނީ ފަށައިފައެވެ.

ރާއްޖޭގައި ދިރިއުޅޭ ރައްޔިތުންގެ މަޢުލޫމާތު އެއްކޮށް އެއްތަނަކުން ބެލެހެއްޓުމުގެ މަސައްކަތް 1984 ވަނަ އަހަރު ފެށީ އައިޑެންޓިޓީ ކާޑު ޔުނިޓުންނެވެ. އެއަށްފަހު އޮފީހުގެ ނަން ޑިޕާޓްމަންޓް އޮފް ނެޝަނަލް ރަޖިސްޓްރޭޝަނަށް ބަދަލުކުރީ 11 ނޮވެމްބަރު 1993 ގައެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

moosun

މިއަދުވެސް ރާއްޖޭގެ އެކި ސަރަހައްދަށް މޫސުން ގޯސްވާނެ؛ މެޓް

ރައީސް މުއިއްޒު، ޗައިނާގެ ރައީސް ޝީ އާ ބައްދަލުކުރައްވައިފި

ތިންވަނަ ފަހަރަށް ރަފާ އާއި ޝައްފާން ޗެމްޕިއަންކަން ހޯދައިފި

Malaysia

މެލޭޝިއާގެ މިނިވަން ދުވަހުގެ ތަހުނިޔާ ރައީސް ފޮނުއްވައިފި

TTH_advertisement ELL Mobile Advertisement