އެކި މައްސަލަތަކުގައި މިހާތަނަށް 52 ފަހަރު ފުލުހުން ހައްޔަރުކުރަން ޖެހުނު ހ. ރެދަން، މާލެ، ފަވާޒު ކަޅުތުއްތު (36އ)ގެ މައްޗަށް ދައުވާކޮށްދޭން އެދި ޕްރޮސިކިއުޓާ ޖެނެރަލް (ޕީޖީ) އޮފީހަށް ފޮނުވައިފިއެވެ.
ފުލުހުން ބުނީ މިދިޔަ މެއި މަހުގެ އެއްވަނަ ދުވަހުގެ 15:13 ހާއިރު އިސްކަންދަރުމަގު މައްޗަންގޮޅި ސަހަރާ ކައިރީގައި ހުންނަ “ޕަރާއޯ” ފިހާރައަށް ފަވާޒް ވަދެ، ވަޅިން ބިރުދައްކައި ފިހާރައިގެ ވަތްގަނޑުގައި ހުރި ފައިސާ ފޭރުނު މައްސަލައިގެ ތަހުގީގު ނިންމައި ދައުވާކުރުމަށް ޕީޖީ އޮފީހަށް ފޮނުވާފައިވަނީ މިއަދު ކަމަށެވެ.
އެ މައްސަލައާ ގުޅިގެން ފަވާޒް ހައްޔަރުކޮށްފައިވަނީ ކޯޓު އަމުރެއްގެ ދަށުން މިދިޔަ މަހުގެ 13 ވަނަ ދުވަހުއެވެ.
ފަވާޒް ހައްޔަރުކުރުމަށްފަހު އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރީއަތުން ގޮތެއް ނިމެންދެން ބަންދުގައި ބެހެއްޓުމަށް ވަނީ އަމުރުކޮށްފައެވެ.
ކިޔުންތެރިންގެ ހިޔާލު