ކުޅުދުއްފުށި ސިޓީގައި ކަރަންޓުގެ ހިދުމަތް ދިނުމަށް އެއްބަސްވުމެއް ހެދުމަށް ފެނަކަ ކޯޕަރޭޝަނުން އިންކާރުކޮށްފައިވާތީ، އެ ކުންފުންޏާ ދެކޮޅަށް ދައުވާކުރުމަށް ކުޅުދުއްފުށި ސިޓީ ކައުންސިލުން ނިންމައިފިއެވެ.
ކުޅުދުއްފުށީގައި ކަރަންޓުގެ ހިދުމަތް ދިނުމާ ގުޅޭގޮތުން ލާމަރުކަޒީ ގާނޫނާ އެއްގޮތަށް ފެނަކައާއެކު އެއްބަސްވުމެއް ހެދުމަށް ކައުންސިލުން އެދުމުން، އެކަމަށް ފެނަކައިން އިންކާރުކޮށްފައިވާތީ، އެ ކުންފުނީގެ މައްޗަށް ދައުވާކުރުމަށް ނިންމާފައިވަނީ އެ ކައުންސިލުގެ 206 ވަނަ އާންމު ބައްދަލުވުމުގައެވެ.
ކުޅުދުއްފުށި ސިޓީ ކައުންސިލުން ފާހަގަކުރާ ގޮތުގައި ލާމަރުކަޒީ ގާނޫނުގައި ރަށެއްގެ ރައްޔިތުންނަށް ކަރަންޓުގެ ހިދުމަތް ފޯރުކޮށްދިނުމަކީ ކައުންސިލުގެ ޒިންމާއެއް ކަމަށް ބަޔާންކޮށްފައިވާ އިރު، އެ ހިދުމަތް ތިންވަނަ ފަރާތަކުން ފޯރުކޮށްދޭ ނަމަ، އެ ފަރާތާއި ކައުންސިލާ ދެމެދު އެއްބަސްވުމެއް އޮންނަންޖެހޭ ކަމަށެވެ.
ކުޅުދުއްފުށީގައި މިހާރު ވެސް ކަރަންޓުގެ ހިދުމަތް ފޯރުކޮށްދެމުންދަނީ ފެނަކަ އިންނެވެ.
ކިޔުންތެރިންގެ ހިޔާލު