ވައިގެމަގުން ރާއްޖެ އެތެރެކުރި 18 ކިލޯގެ މަސްތުވާތަކެއްޗާ ހަވާލުވާން ދިޔަ މީހާ ހައްޔަރުކޮށްފިއެވެ.

އެ މަސްތުވާތަކެތި އެތެރެކޮށްފައި ވަނީ ގަސް ޕޮޓްތަކެއްގެ ތެރެއަށް ލައިގެންނެވެ. ކަސްޓަމްސް އިން ހިންގި ޚާއްސަ އޮޕަރޭޝަނެއްގައި އެތަކެތި އަތުލައިގަތީ ރޭގެ ވަގުތެއްގަ އެވެ.

އެތަކެތީގެ މަގުމަތީ އަގު 26 މިލިއަން ރުފިޔާއަށް އަރާނެ ކަމަށް ކަސްޓަމްސް އިން ބުންޏެވެ.

މިކަމާ ގުޅިގެން ފުލުހުން ބުނީ އެތަކެއްޗާ ހަވާލުވާން ދިޔަ ބަނގްލަދޭޝްގެ ރައްޔިތަކު ހައްޔަރުކޮށްފައިވާ ކަމަށެވެ. އެ މީހާގެ އުމުރަކީ 35 އަހަރެވެ.

މިއީ މި އަހަރުގެ މިހާތަނަށް އެއް ފަހަރާ އެންމެ ގިނައިން ރާއްޖެ އެތެރެކުރިކަން ފަޅާއެރި މަސްތުވާތަކެއްޗެވެ.