ބޮޑު އީދުގައި ޖުމްލަ 65 ރަށެއްގައި އީދު ލައިޓް ދިއްލަން ހަމަޖެހިފައިވާ ކަމަށް ލޯކަލް މިނިސްޓަރު އާދަމް ޝަރީފު އުމަރު ވިދާޅުވެއްޖެއެވެ.
އޭނަ ވިދާޅުވީ މިދިޔަ އަހަރުގެ ބޮޑު އީދަށް ލައިޓް ފޮނުވި 29 ރަށާއި މި އަހަރު ޢީދު ލައިޓް ފޮނުވި 36 ރަށާ އެކު، ޖުމްލަ 65 ރަށުގައި ޢީދު ލައިޓް ދިއްލާނެ ކަމަށެވެ. އަދި އީދު ފާޙަގަ ކުރާއިރު އިސްލާމީ މިންގަނޑު ތެރޭގައި އީދު ފާހަގަ ކުރަން ވަނީ މިނިސްޓަރު އިލްތިމާސް ކުރެއްވިއެވެ.
މިދިޔަ އަހަރުގެ ބޮޑު އީދަށް މުޅި ރާއްޖެ ކަހަލަ ގޮތަކަށް ދިއްލި އިރު، ވަރަށް ގިނަ ރަށްތަކަށް އީދު ލައިޓްތައް ފޯރުކޮށް ދީފައިވެ އެވެ. އެ ލައިޓްތައް ވަނީ ކައުންސިލްތަކާ ހަވާލުކޮށްފައެވެ.
މިގޮތުން ދިއްލުމަށް ހަމަޖެހިފައިވަނީ ހއ. އިހަވަންދޫއާއި، ހއ. ހޯރަފުއްޓާއި، ހދ. ހަނިމާދޫއާއި، ހދ. ނޮޅިވަރަމާއި، ށ. މިލަންދޫއާއި، ށ. ފޯކައިދޫ ނ. ވެލިދޫ، ނ. ހޮޅުދޫ، ރ. ދުވާފަރު، ރ. އަލިފުށި، ބ. ތުޅާދޫ، ބ. ހިތާދޫ، ޅ. ހިންނަވަރު، ޅ. ކުރެންދޫ، ކ. ކާށިދޫ، ކ. މާފުށި، އއ. ތޮއްޑޫ، އއ. އުކުޅަސް، އދ. މާމިގިލި، އދ. ދަނގެތި، ވ. ކެޔޮދޫ، ވ. ފުލިދޫ، މ. މުލައް، މ. ކޮޅުފުށި، ފ. ބިލެއްދޫ، ދ. މީދޫ، ދ. މާއެނބޫދޫ، ތ. ތިމަރަފުށި، ތ. ވިލިފުށި، ލ. ގަން، ލ. މާވަށް، ގއ. ދާންދޫ، ގއ. ގެމަނަފުށި، ގދ. ގައްދޫ އަދި ގދ. މަޑަވެލި ހިމެނެއެވެ.
