އިމިގްރޭޝަނަށް 50 އޮފިސަރުން ހޯދުމަށް ނިންމައި ކުރި އިއުލާނާ އެކު އެ ވަޒިފާއަށް 870 އަށްވުރެ ގިނަ މީހުން ކުރިމަތިލި ކަމަށް އިމިގްރޭޝަނުން ބުނެފިއެވެ.
މިއަދު ކުރިމަތިލި މީހުން އިންޓަވިއު ކުރުމުގެ މަސައްކަތް މިއަދު ދަނީ ކުރަމުންނެވެ. ގިނަ އަދަދެއްގެ މީހުން އިންޓަވިއު ކިއޫގައި ތިއްބެވެ.
އިމިގްރޭޝަނުން ބުނީ އެންމެ ފުރަތަމަ އޮތީ ހަ އިންޓަވިއު ޕެނަލަކުން ކެންޑިޑޭޓުން އިންޓަވިއު ކުރަމުން ގޮސް މިއަދު ހަވީރު 5 ޖަހާއިރަށް ނިންމުމަށެވެ.
ނަމަވެސް ފަހުން ނުވަ ޕެނަލްއަކުން އިންޓަވިއު ނަގަމުންދާ ކަމަށް ބުންޏެވެ. އަދި މިރޭ 10 ޖަހަންދެން އިންޓަވިއުތައް ވަނީ ކުރިއަށްގެންގޮސްފައެވެ
އިންޓަވިއުއިން ހޮވޭ މީހުންގެ މެދުގައި އިމްތިހާނެއް ވެސް ބާއްވާނެއެވެ. އިމިގްރޭޝަނުން ބުނީ ވަޒިފާއަށް ހޮވޭނީ އެންމެ މަތިން މާކްސް ލިބޭ 50 މީހުނަށެވެ. އަދި އިމްތިހާނު އޮންނާނެ ތާރީހެއް އިމިގްރޭޝަނުން ހާމައެއް ނުކުރެއެވެ.
ކިޔުންތެރިންގެ ހިޔާލު