މ. މުލީގައި ތަރައްގީކުރާ ރީޖަނަލް ހޮސްޕިޓަލު ތަރައްގީކުރުމުގެ އަމަލީ މަސައްކަތް ރައީސް ޑރ. މުހައްމަދު މުއިއްޒު އިފްތިތާހުކޮށްދެއްވައިފިއެވެ.
ރީޖަނަލް ހޮސްޕިޓަލުގެ އަމަލީ މަސައްކަތް ރައީސް އިފުތިތާހުކޮށްދެއްވީ، މުލީ އެއާޕޯޓް ހުޅުވުމަށް މިއަދު އެރަށަށް ކުރައްވާ ދަތުރުފުޅުގެ ތެރެއިން އެކަމަށް ހާއްސަކޮށްގެން ބޭއްވި ރަސްމިއްޔާތެއްގައެވެ.
ރީޖަނަލް ހޮސްޕިޓަލުގެ މަސައްކަތް ފައްޓަވައިދެއްވީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ގެ ސީއީއޯ އަހުމަދު ސައުދީއެވެ
އެ ހޮސްޕިޓަލުގެ މަސައްކަތް އެމްޓީސީސީއާ ހަވާލުކޮށްފައިވަނީ މިދިޔަ އަހަރުގެ އެޕްރީލް މަހުގެ 20 ވަނަ ދުވަހު އެވެ. އެމްޓީސީސީއަށް އެ މަސައްކަތް ހަވާލުކުރީ 185 މިލިއަން ރުފިޔާ އަށެވެ.
އެއީ 50 އެެނދުގެ ހޮސްޕިޓަލަކެވެ.
