މޯލްޑިވްސް އިމިގްރޭޝަން އޮފިސަރަކަށް ހެދިގެން މާލޭގެ ގެއަކަށް ވަދެ ބިދޭސީއެއްގެ އަތުން ފޭރުނު މައްސަލާގައި ހައްޔަރު ކުރި މީހާ، ފޭރުމުގެ އެހެން މައްސަލައެއްގައި އަނެއްކާވެސް ހައްޔަރުކޮށްފިއެވެ.
އެ މައްސަލާގައި ހައްޔަރުކުރީ ގ. ބެރުގެ، އުމުރުން 44 އަހަރުގެ މުހައްމަދު ނަވީން އެވެ. އޭނާ ހައްޔަރުކޮށް ކޯޓަށް ހާޒިރު ކުރުމުން ބަންދަށްވަނީ 15 ދުވަސް ޖަހާފައެވެ.
އޭނާ އަކީ ފޭރުމުގެ މައްސަލަތަކުގެ ރެކޯޑް އޮންނަ މީހެކެވެ.
ފުލުހުން ކުރިން ބުނީ، އިމިގްރޭޝަން އޮފިސަރުންގެ ނަމުގައި އޮޅުވާލައިގެން ތިން މީހަކު ގެއަކަށް ވަދެ، ބަންގްލަދޭޝް މީހެއްގެ އަތުން ފޯނަކާއި 9،000ރ. ފޭރުނު މައްސަލައެއްގައި ނަވީން ހިމެނޭ ކަމަށެވެ.
ކިޔުންތެރިންގެ ހިޔާލު