ސްވިމިން އެސޯސިއޭޝަން އޮފް މޯލްޑިވްސްއިން އިންތިޒާމުކޮށްގެން ބާއްވާ 16 ވަނަ ގައުމީ ދިގުފެތުމުގެ މުބާރާތް ކުޑަގިރީގައި ފަށައިފިއެވެ.
އޯޕަން ވޯޓާ ސްވިމިން މުބާރާތް މިއަދު ހެނދުނު ފެށިއިރު، މި މުބާރާތުގައި ހުރިހާ ކެޓެގަރީއަކުން ޖުމްލަ 281 ފެތުންތެރިން ވާދަކުރެއެވެ.
އެގޮތުން ގައުމީ ފަސް ކިލޯމީޓަރުގެ ކެޓެގަރީގައި އަންހެން 10 ފެތުންތެރިން އަދި ފިރިހެން 14 ފެތުންތެރިން ވާދަކުރެއެވެ. އަދި ތިން ކިލޯމީޓަރުގެ ޖޫނިއަރ ބައިގައި އަންހެން 8 ފެތުންތެރިންނާއި ފިރިހެން 24 ފެތުންތެރިން ފެނިގެންދެއެވެ.
މުބާރާތުގެ އެއް ކިލޯމީޓަރުގެ ކޮމިއުނިޓީ މާސް އިވެންޓް ބައިގައި، ފިރިހެން 63 ފެތުންތެރިންނާއި އަންހެން 36 ފެތުންތެރިން ވާދަކުރާއިރު، މާސްޓާސް އިވެންޓުގައި ވާދަކުރަނީ ހަތް ފިރިހެން ފެތުންތެރިންނެވެ. އަދު އިއޭޑީ ކެޓެގަރީގައި ފިރިހެން ނުވަ ފެތުންތެރިންނާއި އަންހެން ދެ ފެތުންތެރިން ފެނިގެންދެއެވެ.
މީގެ އިތުރުން 0.5 ކިލޯމީޓަރު ފަތަން ޖެހޭ ކިޑްސް ސްވިމް ކެޓެގަރީގައި 66 ފިރިހެން ފެތުންތެރިންނާއި 42 އަންހެން ފެތުންތެރިން ވާދަކުރެއެވެ.
މިއީ އޯޕަން ވޯޓާ ސްވިމިން މުބާރާތް ކުޑަގިރީގައި ބާއްވާ ތިންވަނަ ފަހަރެެވެ.
