މީސްމީޑިޔާގައި ޙިއްސާކުރެއްވި ޕޯސްޓެއްގައި ރައީސުލްޖުުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ ގުޅިގެން އަމާންކަމާއެކު ދިރިއުޅުމުގެ ދުވަހެއް ފާހަގަކުރާއިރު، ދިވެހި މުޖުތަމަޢުގައި އުޅޭ ތަފާތު މިޒާޖުގެ މީހުންނަކީ ޤައުމުގެ ކުރިއެރުމަށް ލިބޭ ބާރެއްކަމަށް ދެކެންޖެހޭ ކަމަށެވެ.
As we celebrate the International Day of Living Together in Peace, let us embrace the diversity and differences in our societies as a source of strength for our development. We must come together more strongly than ever to foster a culture of tolerance and inclusion where we all… pic.twitter.com/EWUa0zJKvf
— Dr Mohamed Muizzu (@MMuizzu) May 16, 2025
އަދި ކުރިއަށްވުރެ މިހާރު އެންމެން ގުޅިގެން ސަމާހަތްތެރިކަމާއި މުޖުތަމަޢުގައި އެންމެންވެސް ޝާމިލުކުރުމުގެ ސަގާފަތެއް ޤާއިމުކޮށް، އަމާންކަމާއެކު ކުރިއެރުމުގެ މަގު ފަހިކުރަންޖެހޭކަމަށް ރައީސުލްޖުމްހޫރިއްޔާ ވިދާޅުވިއެވެ.އެންމެންވެސް ޝާމިލުވާ މުޖުތަަމަޢެއް ޤާއިމުކުރުމަށް ސަރުކާރުންދަނީ މަސައްކަތްތަކެއް ކުރައްވަމުންނެވެ.
އެ ގޮތުން ތަފާތު ނުކުޅެދުންތެރިކަން ހުންނަ ފަރާތްތަކަކީވެސް، ދިވެހި ޤައުމުގެ ކުރިއެރުމުގައި ދައުރައް އަދާކުރެވިދާނެ ބަޔަކަށް ހެދުމަށް ތަފާތު ޕްރޮގުރާމްތައް ދަނީ ހިންގަމުންނެވެ.
މިފަދަ ޕްރޮގުރާމްތަކުގެ ތެރޭގައި ތަފާތު ހުނަރުތައް ދަސްކޮށްދިނުމާއި ތަމްރީން ޕްރޮގުރާމްތައް ދަނީ ހިންގަމުންނެވެ. އަދި މަސައްކަތު މާޙައުލު އެފަދަ ކުދިންނަށް ފަހިކުރުމަށްވެސް ސަރުކާރުން ދަނީ މަސައްކަތްތަކެއް ކުރައްވަމުންނެވެ.
މީގެ އިތުރުން ދިވެހި މުޖުތަމަޢަކީ އަމާން ސުލްޙަ ޤާއިމުވެފައި އޮތް ރައްކާތެރި ތަނަކަށް ހެދުމަށް ރާއްޖޭގައި ހުރި އިޖުތިމާޢީ ބަލިތައް ނައްތާލުމަށްވެސް ދަނީ ގިނަ މަސައްކަތްތަކެއް ކުރައްވަމުންނެވެ.
ބައިނަލްއަޤުވާމީ ގުޅިގެން ސުލްޙައާއި އަމާންކަމާއެކު ދިރިއުޅުމުގެ ދުވަހެއް ފާހަގަކުރުމުގެ ބޭނުމަކީ އެކި މިޒާޖުތަކުގެ މީހުން އުޅޭކަން ޤަބޫލުކޮށް އެހެން މީހުންނަށް އިޙުތިރާމްކޮށް، ބަލައިގަނެ، އެމީހުންގެ ވާހަކަތައް އަޑު އަހައި އެއްބައިވަންތަކަމާއެކު ދިރިއުޅުމެވެ.
