މިއޮޓް ހޮސްޕިޓަލުން ރާއްޖޭގައި ރިހެބިލިޓޭޝަން ޚިދުމަތް ފަށައިފިއެވެ. މި ރިހެބިލިޓޭޝަން ސެންޓަރުން އެ ދާއިރާގެ ހުރިހާ ޚިދުމަތެއް އެއް ތަނަކުން ލިބޭނެ ކަމަށް މިއޮޓުން މަޢުލޫމާތު ދެއްވިއެވެ.
ވޭތުވެދިޔަ 10 އަހަރެއްހާ ދުވަހުގެ ތެރޭގައި މިއޮޓް އިންޓަނޭޝަނަލްއިން ވަނީ އެތައް ހާސް ދިވެހި ރައްޔިތުންނަށް ޞިއްޙީ ޚިދުމަތް ފޯރުކޮށްދީފައެވެ. މިއޮޓް ހޮސްޕިޓަލުގެ ރިހެބިލިޓޭޝަން ޚިދުމަތް ހޯދުމަށް ގިނަ އަދަދެއްގެ ދިވެހިން ކޮންމެ އަހަރަކުވެސް އިންޑިއާއަށް ދަތުރުކުރާކަން އެ ހޮސްޕިޓަލުން ފާހަގަކުރެއެވެ. އެހެންކަމުން، މި ޚިދުމަތްތައް ދިވެހިންނާ ގާތުން ދިނުމަކީ މުހިންމު ކަމެއްކަމުގައި އެ ހޮސްޕިޓަލުން ދެކެއެވެ.
މިއޮޓުން ވިދާޅުވި ގޮތުގައި ރިހެބިލިޓޭޝަނަކީ ބަލިން ރަނގަޅުވެ، އާންމު ދިރިއުޅުމަކަށް އައުމުގައި ބަލިމީހާއަށް ދެވޭ އެންމެ މުހިންމު ޚިދުމަތެވެ.
މިއޮޓުން އިތުރަށް ވިދާޅުވީ ރިހެބިލިޓޭޝަން ސެންޓަރުގައި ޚިދުމަތް ދޭނީ ޤާބިލު، ތަޖުރިބާކާރު ޓީމަކުން ކަމަށެވެ. މީގެ ތެރޭގައި ރިހެބިލިޓޭޝަން ސްޕެޝަލިސްޓުން، ނިއުރޮލޮޖިސްޓުން، ސައިކޭޓްރިސްޓުން، ފިޒީޝަނުން، ސްޕީޗް ލެންގުއޭޖް ޕެތޮލޮޖިސްޓުން، އަދި އެހެނިހެން ތަޖުރިބާކާރުން ހިމެނެއެވެ. އަދި ޚިދުމަތް ހޯދާ ފަރާތްތަކަށް ޗެންނާއީގައި ހުންނަ މައި މަރުކަޒުން ވަގުތުން ވަގުތަށް ފީޑްބެކް ލިބޭނެ އިންތިޒާމުވެސް ވަނީ ހަމަޖެހިފައެވެ.
ތަޖުރިބާކާރުންގެ ޓީމުގެ އިތުރުން މި ސެންޓަރުން ޚިދުމަތް ދިނުމުގައި ބޭނުންކުރާނީ އެންމެ ޒަމާނީ ޓެކްނޮލޮޖީ އަދި ޞިއްޙީ ވަސީލަތްތަކާއި މެޝިނަރީތައް ކަމަށް މިއޮޓުން ވިދާޅުވިއެވެ. ނާރުގެ ބަލިތަކާއި ކެންސަރު އަދި ކުޅިވަރު ކުޅެގެން ލިބޭ އަނިޔާތަކުން އަރައިގަތުމަށްވެސް މި ސެންޓަރުން ރިހެބިލިޓޭޝަން ލިބޭނެ ކަމަށް އިތުރަށް ވިދާޅުވިއެވެ.
މީގެ އިތުރުން މިއޮޓުން ވިދާޅުވީ އާންމު ތެރަޕީ ޚިދުމަތްތަކުގެ އިތުރުން ކުއްލި ޙާލަތުގެ ފަރުވާގެ ޚިދުމަތްވެސް އެ ސެންޓަރުން ލިބޭނެ ކަމަށެވެ. އެގޮތުން ރެސަސިޓޭޝަން ރޫމަކާއި ފިޒިއޮތެރަޕީ ސަޕޯޓުގެ ދަށުން ހަނދާން ނެތުމާއި، ސަމާލުކަމަށް ކުރާ އަސަރުތަކާއި، ނިދި ގެއްލުން ފަދަ ކަންކަމަށްވެސް އެ ސެންޓަރުން ފަރުވާ ލިބިގެންދާނެ ކަމަށް ވިދާޅުވިއެވެ.ެވެ.
މިއީ މިއޮޓް އާއި ރާއްޖެއާ ދެމެދު އޮތް ގުޅުން އިތުރަށް ބަދަހިވެ، އެތައް ހާސް ދިވެހިންނަކަށް އޭގެފައިދާ ލިބިގެންދާނެ ކަމެއްގެ ގޮތުގައި މިއޮޓުން ދެކެއެވެ.
މި ރިހެބިލިޓޭޝަން ސެންޓަރުގެ ޚިދުމަތް ފެށުމާއެކު، ދިވެހިރާއްޖޭގެ ޞިއްޙީ ދާއިރާއަށް އިތުރު ކުރިއެރުމެއް ލިބިގެންދާނެ ކަމަށް ބެލެވެއެވެ. މިކަމުގެ ސަބަބުން ގިނަ ދިވެހިންނަށް ރާއްޖޭގައި ތިބެގެން ފެންވަރު ރަނގަޅު ރިހެބިލިޓޭޝަން ޚިދުމަތް ލިބުމުގެ ފުރުޞަތު ތަނަވަސްވެގެންދާނެއެވެ.
މި ސެންޓަރުގެ ޚިދުމަތްތަކުގެ ތެރޭގައި ޖިސްމާނީ އަދި ނަފްސާނީ ދުޅަހެޔޮކަމަށް އަމާޒުކޮށްގެން ދެވޭ ފަރުވާތައް ހިމެނެއެވެ. މިގޮތުން، ޚާއްޞަ އެހީއަށް ބޭނުންވާ ފަރާތްތަކަށާއި، އެކްސިޑެންޓްތަކުގައި އަނިޔާވާ ފަރާތްތަކަށާއި، އަދި ދިގު މުއްދަތުގެ ބަލިތަކުން އަރައިގަތުމަށް މަސައްކަތްކުރާ ފަރާތްތަކަށް މި ސެންޓަރުން އެހީތެރިކަން ފޯރުކޮށްދޭނެއެވެ.
މިއޮޓް ހޮސްޕިޓަލުގެ ރިހެބިލިޓޭޝަން ސެންޓަރު ރާއްޖޭގައި ޤާއިމުކުރުމަކީ ދިވެހި ރައްޔިތުންނަށް ލިބިގެންދާ ވަރަށް މުހިންމު ޞިއްޙީ ވަސީލަތެކެވެ. މިކަމުގެ ސަބަބުން ބޭރު ޤައުމުތަކަށް ދަތުރުކޮށްގެން ފަރުވާ ހޯދުމަށް ކުރަންޖެހޭ ޚަރަދު ކުޑަވެ، ގިނަ ބަޔަކަށް ފަސޭހައިން މި ޚިދުމަތް ލިބިގެންދާނެ ކަމަށް އުންމީދުކުރެވެއެވެ.
