މާލޭގެ ގެއެެއްގެ ތެރޭގައި މީހަކު މަރުވެފައި އޮއްވައި ފެނުނު މައްސަލައެއް ފުލުހުން ތަހުގީގުކުރަން ފަށައިފިއެވެ.

ފުލުހުން މީޑިއާތަކަށް މިއަދު ފޮނުވި މެސެޖެއްގައި ބުނީ މާފަންނުގައި ހުންނަ ގެއެއްގެ ތެރޭ މަރުވެފައި އޮއްވައި ފެނުނީ މ. އަލުވިމާގެއާގޭ މުހައްމަދު ހިސާމް، 40އ ކަމަށާއި އޭނާ މަރުވެފައި އޮއްވައި ފެނިފައިވަނީ މިމަހުގެ 22 ވަނަ ދުވަހުގެ 16:40 ހާއިރު ކަމަށެވެ.

އެ މައްސަލައާ ގުޅިގެން ބަލަން ޖެހޭ ކަންކަން ބަލައި ޕޯސްޓްމޯޓަމް ހެދުމާ ގުޅޭގޮތުން އާއިލާއާ މަޝްވަރާކޮށް ނިންމަން ޖެހޭ ނިންމުންތަކަށްފަހު އިއްޔެ ހަށިގަނޑު މޯޗަރީން ނެރުުމުގެ އިންތިޒާމުތައް ހަމަޖައްސާފައިވާކަން އާއިލާއަށް އަންގާފައިވާ ކަމަށް ފުލުހުން ބުންޏެވެ.

ފުލުހުން ބުނީ، ހިސާމްގެ ހަށިގަނޑު ވަޅުލަން ބޭނުންވަނީ މިއަދު ކަމަށް އާއިލާއިން ބުނެފައިވާތީ ހަށިގަނޑު މިހާރު އާއިލާއާ ހަވާލުކޮށްފައިވާ ކަމަށެވެ. ނަމަވެސް އޭނާގެ މަރުގެ ސަބަބެއް ފުލުހުން ހާމައެއް ނުކުރެއެވެ.