ފަސް މީހުންނާއެކު ދަތުރުކުރި ދޯންޏެއް ގެއްލިގެން ހޯދަން ފަށައިފިއެވެ.
ފުލުހުން ބުނީ ރޭ 8:00 ހާއިރު ގައްދުއިން ހުޅުމާލެއަށް ދަތުރުކުރި “ބްރިލިއަންޓް ކެރިއަރ” ނަމަކަށް ކިޔާ ދޯންޏަށް އެންމެފަހުން ގުޅިފައި ވަނީ ރޭ ދަންވަރު 2:40 ހާއިރު ކަމަށެވެ.
އެ ދޯނީގައި ތިބީ ފަސް މީހުން ކަމަށާއި އެއީ ތިން ދިވެހީންނާއި ދެ ބިދޭސީން ކަމަށް ފުލުހުން ބުންޏެވެ.
އެ ދޯނި ގެއްލުނު މައްސަލަ ގައްދޫ ޕޮލިސް ސްޓޭޝަނަށް ރިޕޯޓްކޮށްފައި ވަނީ މިއަދު ހަވީރު 6:00ގައެވެ. އެ މައުލޫމާތު މިހާރު އެމްއެންޑީއެފްއަށް ވެސް ވަނީ ހިއްސާކޮށްފައެވެ.
އެ ދޯނި ހޯދުމުގެ މަސައްކަތް އެމްއެންޑީއެފް އާއި ފުލުހުން އަންނަނީ ކުރަމުންނެވެ.
އެ ދޯންޏާ ބެހޭ އެއްވެސް މައުލޫމާތެއް ލިބިފައިވާނަމަ، ނެޝަނަލް އިމަޖެންސީ ނަންބަރު 911 އަށް ނުވަތަ އެންމެ ކައިރި ރަށެއްގެ ޕޮލިސް ސްޓޭޝަނަކަށް ގުޅައި އެ މައުލޫމާތު ހިއްސާކޮށްދިނުމަށް ފުލުހުން ވަނީ އެދިފައެވެ.
