ބިދޭސީ އަކު އިމިގްރޭޝަނަށް ހާޒިރުވުމަށް އަންގައި އިޢުލާންކޮށްފިއެވެ.
އިމިގްރޭޝަނުން މިއަދު ނެރުނު ނޯޓިސްގައިވާ ގޮތުން އެ މުއައްސަސާއަށް ހާޒިރުކުރުމަށް ބޭނުންވަނީ ބަންގްލަދޭޝްގެ ރައްޔިތެއް ކަމަށްވާ އިމާމް ޝެއިޚް (42 އ) އެވެ. ނަމަވެސް އޭނާ ހޯދަމުންދަނީ ކޮން މައްސަލައަކާ ގުޅިގެން ކަމެއް އިމިގްރޭޝަނުބް ހާމައެއް ނުކުރެއެވެ.
އިމިގްރޭޝަނުން ވަނީ ފަސް ދުވަހުގެ ތެރޭގައި މ. ސްޓާ ކްލައުޑްގައި ހުންނަ އެ މުއައްސަސާގެ ރިސްކް މެނޭޖްމަންޓް ސެކްޝަނަށް ހާޒިރުވުމަށް އޭނާއަށް އަންގައިފައެވެ.
އަދި އެމީހާ ހުރިތަނަކާ ގުޅޭ އެއްވެސް މަޢުލޫމާތެއް އެނގޭނަމަ، އިމިގްރޭޝަންގެ ނަންބަރު 9199017 އަށް ފޯނުން ގުޅައި ނުވަތަ [email protected] އަށް އީމެއިލްކުރުމަށް އެ މުއައްސަސާއިން ވަނީ އެދިފައެވެ.
ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރަން ސަރުކާރުން އަންނަނީ މުހިންމު މަސައްކަތްތަކެއް ކުރަމުންނެވެ. އެގޮތުން މިހާތަނަށް ކުރި މަސައްކަތުން ގަވާއިދާ ޚިލާފަށް އުޅުނު 5000 އަށްވުރެ ގިނަ ބިދޭސީން ވަނީ ޑީޕޯޓްކޮށްލާފައެވެ.
