މާލޭގައި ހުންނަ ޓްރީ ޓޮޕް ހޮސްޕިޓަލުގެ ކްލިނިކް، ޓީ.ޓީ.އެޗް ކްލިނިކުން ފޯރުކޮށްދެމުން އަންނަ ސިއްޙީ ޚިދުމަތް އިތުރަށް ފުޅާކޮށް ގިނަ ބަޔަކަށް ސިއްޙީ ޚިދުމަތް ފޯރުކޮށްދިނުމަށް ޓެލެމެޑިސިން ކޮންސަލްޓޭޝަން ޚިދުމަތް މިއަދު ތަޢާރަފްކޮށްފިއެވެ.

މި ޚިދުމަތުގެ ސަބަބުން ބަލިމީހުންނަށް ބޯޑު-ސެޓިފައިޑް ފެމިލީ މެޑިސިން ސްޕެޝަލިސްޓުންނާ ރައްކާތެރި އަދި ފަސޭހަ ވަރޗުއަލް ޕްލެޓްފޯމްތަކުން މަޝްވަރާކުރެވޭނެއެވެ. މި ހުރިހާ ޚިދުމަތެއްވެސް ޓްރީ ޓޮޕް ހޮސްޕިޓަލުގެ މައިޓީޓީއެޗް އެޕް މެދުވެރިކޮށް ލިބޭނެއެވެ. މި އެޕް މެދުވެރިކޮށް އޮންލައިން ކޮންސަލްޓޭޝަންތަކާއި ވީޑިއޯ ކޯލްތައް ފަސޭހަކަމާއެކު ކުރިއަށްގެންދެވޭނެއެވެ.

މުހިއްމު ނުކުތާތައް
އޮންލައިން ކޮންސަލްޓޭޝަން ޕްލެޓްފޯމް: ވީޑިއޯ ކޮންސަލްޓޭޝަންތައް ހިމެނޭ ގޮތަށް ހުރިހާ އެޕޮއިންޓްމަންޓްތަކެއްވެސް ކުރިއަށްދާނީ ހަމައެކަނި މައިޓީޓީއެޗް މޯބައިލް އެޕްލިކޭޝަން މެދުވެރިކޮށެވެ.ރާއްޖޭގެ ގިނަ ބަޔަކަށް ޚިދުމަތް ފުޅާކުރުން: މުޅި ދިވެހިރާއްޖޭގެ ހުރިހާ އަތޮޅުތަކެއްގެ ބަލިމީހުންނަށް ޚިދުމަތް ދިނުމަށް ޚާއްޞަކޮށް ފަރުމާކުރެވިފައިވާ މި ޚިދުމަތުން، ވަކިން ޚާއްޞަކޮށް ދުރު ރަށްރަށުގެ މުޖުތަމަޢުތަކަށް އިތުރު ފައިދާތަކެއް ކުރާނެއެވެ.

ފެންވަރު ރަނގަޅު ސިއްޙީ ޚިދުމަތް: ވަރޗުއަލްކޮށް ޚިދުމަތް ދިނުމުގައިވެސް ޓްރީ ޓޮޕް ހޮސްޕިޓަލުގެ މަތީ ފެންވަރުގެ ކްލިނިކަލް މިންގަނޑުތައް ދެމެހެއްޓޭނެއެވެ.
ޓްރީ ޓޮޕް ހޮސްޕިޓަލަކީ ދިވެހިރާއްޖޭގެ ޞިއްޙީ ޚިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލްއެކެވެ. މި ހޮސްޕިޓަލުގެ މައިގަނޑު އަމާޒަކީ އައު އުސޫލުތަކާއި ޚިދުމަތްތައް ތަޢާރަފުކޮށް، ދިވެހި ރައްޔިތުން ބޭރު ޤައުމުތަކަށް ޞިއްޙީ ފަރުވާ ހޯދަން ދާންޖެހޭ ސަބަބު މަދުކުރުމާއި، ޞިއްޙީ ޚިދުމަތުގެ ޚަރަދުތައް ކުޑަކުރުމެވެ. އެންމެ ޒަމާނީ ޓެކްނޮލޮޖީއާއި ފުރިހަމަ ލެބޯޓަރީ ޙިދުމަތްތަކާއި އެކު، ޓްރީޓޮޕް ހޮސްޕިޓަލުގެ ތަޖުރިބާކާރު ސްޕެޟިއަލިސްޓުންނާއި ސިއްޙީ ދާއިރާގައި އެކި ނަން މަޟްހޫރު ދާއިރާތަކުން ޙާއްސްވެފައިވާ ޑޮކްޓަރުންގެ އަމާޒަކީ ދިވެހިރާއްޖޭގެ ރައްޔިތުންނަށް ގިނަގުނަ ޟިއްހީ ޙިދުމަތްތަކެއް ފޯރުކޮށްދިނުމެވެ.

އިތުރު މަޢުލޫމާތު ހޯދުމަށް 3351630 އަށް ގުޅުއްވާ ނުވަތަ[email protected] އަށް އީމެއިލް ކުރެއްވުން އެދެމެވެ.