ދިވެހިބަހުގެ ދުވަހާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވި ޚާއްޞަ ތަހަހުނިޔާ މެސެޖެއްގައި، ދިވެހިބަހަކީ ދިވެހީންގެ އަމިއްލމިއްލަވަންތަކަމުގެ މައިގަނޑު ތަނބުކަމުގައި ފާހަގަކުރައްވައިފިއެވެ. އަދި ކޮންމެ ދުވަހަކުވެސް ދިވެހީން ދިވެހިބަހަށް އިސްކަންދޭނެކަން ޔަޤީންކަމާއެކު ވިދާޅުވެފައިވެއެވެ.
ކޮންމެ އަހަރެއް، ދަހަރެއް، ސައްތައެއް، ސާސްކަފެއްވެސް ދިވެހީން ކަޑައްތުކުރާނީ ދިވެހިބަހަށް އިސްކަންދެމުން.
ދިވެހީންގެ އަމިއްލަވަންތަކަމުގެ މައިބަދައަކީ ދިވެހިބަސް. ޒަމާނުގެ ކޮންމެ ފުރޮޅުމަކާއި ކުރިއެރުމަކާއި ފައިހަމަކުރަމުން، ދިވެހިބަސް ދިރެމުން އާލާވަމުން ދިއުމުގެ ފޮނި… pic.twitter.com/ncHeeJxTnj
— Dr Mohamed Muizzu (@MMuizzu) April 14, 2025
ރައީސުލްޖުމްހޫރިއްޔާ އިތުރަށް ވިދާޅުވެފައިވަނީ، ޒަމާނީ ކުރިއެރުންތަކާއެކު ދިވެހިބަސް އިތުރަށް ކުރިއަރައި، ދިރި، އާލާވަމުންދާނެކަމުގެ އުންމީދު ފާޅުކުރައްވާކަމަށެވެ. މި މުނާސަބަތުގައި ދިވެހި ރައްޔިތުންނަށް ހެޔޮ އެދުންތައް އަރިސްކުރައްވާފައިވެއެވެ.
ދިވެހިބަހުގެ ދުވަސް ފާހަގަކުރަން ފެށިފައިވަނީ 2015 ވަނަ އަހަރުއެވެ. މި އަހަރުގެ ދިވެހިބަހުގެ ދުވަހުގެ ޝިޢާރަކީ “އިސްކުރާނީ ދިވެހިބަސް” އެވެ.
ދިވެހިބަސް ދިރުވައި އާލާކުރުމަށާއި ދިވެހި ޤައު ޤައުމިއްޔަތު ހިމާޔަތްކޮށް ދެމެހެއްޓުމަށް މިހާރުގެ ސަރުކާރުން ޚާއްޞަ އަހައްމިއްޔަތުކަމެއް ދެއްވައެވެ. މިގޮތުން، ދިވެހިބަހާބެހޭ ވުޒާރާއިން ޤައުމިއްޔަތު އަލުން އާލާކުރުމަށް ގިނަގުނަ މަސައްކަތްތަކެއް ކުރަމުން ގެންދެއެވެ. މީގެ ތެރޭގައި ޤައުމިއްޔަތުގެ ކޮލެޖެއް އުފެއްދުމާއި، ޤައުމީ ޗާޕުޚާނާ އަލުން ޤާއިމުކުރުމާއި، ތަރިކަ ދިރާސާކުރާ ދިރާސާވެރިންގެ ގުރޫޕެއް އުފެއްދުން ފަދަ މުހިންމު މަޝްރޫޢުތައް ހިމެނެއެވެ. އަދި ދިވެހިބަހަށް ލޯބިޖެއްސުމަށް ޤައުމީ ފެންވަރުގެ ހޭލުންތެރިކަން އިތުރުކުރުމުގެ މަޝްރޫޢެއް ފެށުމަށް ރޭވިފައިވާކަން ދިވެހިބަހާބެހޭ ވަ ވަޒީރު ކުރިން ހާާމަކުރައްވާފައިވެއެވެ.
ކިޔުންތެރިންގެ ހިޔާލު