“މުޅި ލާމު ޣައްޒާއާއެކު” ނަމުގައި ލ. އަތޮޅުގައި ވެހިކަލް ބުރެއް ބާއްވަން ނިންމައިފިއެވެ.

މިއީ ލ. އަތޮޅުގެ ރައްޔިތުން ޣައްޒާގެ ރައްޔިތުންނާ އެކު ތިބިކަން ހާމަކޮށް ދިނުމުގެ ގޮތުން އިންތިޒާމު ކުރާ ސައިކަލު ބުރެކެވެ. މި ސައިކަލު ބުުރު އިންތިޒާމު ކުރަނީ ލ. ގަމާއި ފޮނަދޫ ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީ އާއި މަދަނީ ޖަމިއްޔާތައް ގުޅިގެންނެވެ.

މި ވެހިކަލް ބުރު އޮންނާނީ މި މަހުގެ 18ވާ ހުކުރު ދުވަހުގެ ހަވީރު ލާމު ލިންކު ރޯޑްގަ އެވެ. މި ވެހިޖަލް ބުރުގެ ރޫޓާއި ގަޑި ފަހުން ހާމަ ކުރާނެ ކަމަށް ވެސް ބުންޏެވެ.

މި ސައިކަލު ބުުރުގައި ވީހާވެސް ގިނަ ބަޔަކު ބައިވެރިވުމަށް ދެ ކައުންސިލުން ވަނީ އެދިފަ އެވެ.

ޣައްޒާގެ މުޖާހިދުންނަށް ހިތްވަރުދީ ޣައްޒާގެ ރައްޔިތުންނާއެކު ތިބި ކަންހާމަކުރުމުގެ ގޮތުން މުޅި ރާއްޖޭގައި ދަނީ ގިނަ ހަރަކާތްތަކެއް ހިންގަމުންނެވެ.