ފޯނެއް ވަގަށް ނަގައި 50,000 އަށްވުރެ ގިނަ ރުފިޔާ ޓްރަންސްފާކުރި މީހަކު ފުލުހުން ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލް ވިދާޅުވީ އެ މައްސަލައިގައި ހައްޔަރުކުރީ ނ. ޅޮހީ/ ފެހިވިނަ، އަބްދުﷲ ސާއިފް (25އ.) ކަމަށެވެ.
ސާއިފްވަނީ ފޯނު ވަގަށް ނެގިތާ ކުޑަ އިރުކޮޅެއްގެ ތެރޭގައި އޭނާގެ އެކައުންޓަށް 50،000 އަށްވުރެ ގިނަ ރުފިޔާ ޓްރާންސްފާކޮށްފައެވެ.
އޭނާ އިއްޔެ ކޯޓު އަމުރެއްގެ ދަށުން ހައްޔަރުކޮށް ބަންދާ މެދު ގޮތެއް ނިންމުމަށް ހާޒިރުކުރުމުން ފަސް ދުވަހަށް ބަންދުކުރަން ކްރިމިނަލް ކޯޓުން ވަނީ އަމުރުކޮށްފައެވެ.
މިފަދަ މައްސަލަތަކާ ގުޅިގެން މީގެ ކުރިން ވެސް ގިނަ ބަޔަކު ހައްޔަރުކޮށްފައިވެއެވެ.
