ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑް (އެޗްޑީސީ) ގެ ޑިރެކްޓަރުންގެ ބޯޑުގެ މެންބަރުކަމުން ހއ. ފިއްލަދޫ / މަބުސްތާނުގެ އަލްފާޟިލް މުޙައްމަދު ވަޙީދު މިއަދު ވަނީ ވަކިކުރައްވާފައެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިއަދު ސޯޝަލް މީޑިއާ ޕްލެޓްފޯމް “އެކްސް” ގައި ޝާއިޢުކުރެއްވި ޕޯސްޓެއްގައި މި މަޢުލޫމާތު ހާމަކުރައްވާފައިވެއެވެ.
އަލްފާޟިލް މުޙައްމަދު ވަޙީދު އެޗްޑީު އެޗްޑީސީގެ ބޯޑަށް އައްޔަންކުރެއްވީ 2023 ވަނަ އަހަރުގެ ޑިސެމްބަރު މަހުގެ ތެރޭގައެވެ. އޭނާއަކީ މީގެ ކުރިން ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގައި އިސް މަޤާމެއް އަދާކުރައްވާފައިވާ، އަދި ހައުސިންގ މިނިސްޓްރީގައި ވެސް ޚިދުމަތް ކުރައްވާފައިވާ ބޭފުޅެކެވެ.
މި ވަގުތު އަލްފާޟިލް މުޙައްމަދު ވަޙީދު ވަކިކުރެއްވި ސަބަބާ ގުޅޭގޮތުން އިތުރު މަޢުލޫމާތެއް ލިބިފައެއް ނުވެއެވެ.
ކިޔުންތެރިންގެ ހިޔާލު