އިންދިރާ ގާންދީ މެމޯރިއަލް ހޮސްޕިޓަލުގައި އިތުރު 75 އެނދުގެ ވޯޑެއް ހުޅުވުމަށް ރޭވިފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހާމަކުރައްވައިފިއެވެ.
“ރައްޔިތުންނާއެކު” ޕޮޑްކާސްޓްގެ ދެވަނަ ބައިގައި ވާހަކަފުޅު ދައްކަވަމުން ރައީސް ވިދާޅުވީ، މި އައު ވޯޑު ހުޅުވުމުން އައިޖީއެމްއެޗަށް ދިމާވެފައިވާ ޖާގައިގެ ދަތިކަމަށް ފާހަގަކުރެވޭ ލުޔެއް ލިބިގެންދާނެ ކަމަށެވެ.
މި ވޯޑުގައި ހިމެނޭނީ 44 ޖެނެރަލް އެނދާއި، 15 ހައި ޑިޕެންޑެންސީ (އެޗްޑީޔޫ) އެނދު، އަދި 14 ޕްރައިވެޓް ޔުނިޓް ކަމަށް ރައީސް ހާމަކުރެއްވިއެވެ.
މީގެއިތުރުން، މި ސަރުކާރުން ވެރިކަމާ ހަވާލުވުމަށްފަހު ފާއިތުވި ނޮވެމްބަރު މަހު އައިޖީއެމްއެޗުގައި 16 އަހަރުން ދަށުގެ ކުދިންނަށް ޚާއްޞަ އިމަޖެންސީ ރޫމެއް ޤާއިމުކޮށްފައިވާ ކަމަށާއި، މިހާތަނަށް އެތަނުން 10,393 ކުއްޖަކަށް ޚިދުމަތް ދެވިފައިވާ ކަމަށްވެސް ރައީސް ފާހަގަކުރެއްވިއެވެ.
ކިޔުންތެރިންގެ ހިޔާލު