ޓިއުބަރކިއުލޯސިސް (ޓީބީ) ރާއްޖެއިން ނައްތާލުމަށްޓަކައި ކުރެވޭ މަސައްކަތްތައް އިތުރަށް ހަރުދަނާކުރެވެމުންދާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
މި ވާހަކަފުޅުތައް ރައީސުލްޖުމްހޫރިއްޔާ ދެއްކެވީ ދުނިޔޭގެ ޓީބީ ދުވަހާ ގުޅިގެން އިޖުތިމާޢީ ވިއުގަތަކުގައި ޙިއްޞާކުރެއްވި ޕޯސްޓެއްގައެވެ.
On #WorldTuberculosisDay, we reaffirm our commitment to ending TB. We are among one of the five nations to achieve 70% case detection & 85% cure rates since 1998. Today, we are dedicated to strengthening our efforts with free Tuberculosis Preventive Treatment (TPT) and renewed… pic.twitter.com/9GXJMRMqe2
— Dr Mohamed Muizzu (@MMuizzu) March 24, 2025
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ ޓީބީ ނައްތާލުމަށް ކުރެވޭ މަސައްކަތްތައް ކުރިއަށް ގެންދެވެނީ ސާބިތުކަމާއެކު ކަމަށެވެ. މިގޮތުން، ޓިއުބަރކިއުލޯސިސް ޕްރިވެންޓިވް ޓްރީޓްމަންޓް (ޓީޕީޓީ) ހިލޭ ފޯރުކޮށްދިނުން ފަދަ ފިޔަވަޅުތަކާއެކު ރާއްޖެއިން ޓީބީ ނައްތާލުމަށް ކުރެވޭ މަސައްކަތްތައް އިތުރަށް ހަރުދަނާކުރެވެމުންދާ ކަމަށް އެމަނިކުފާނު ވިދާޅުވިއެވެ.
އަދި ރައީސުލްޖުމްހޫރިއްޔާ އިތުރަށް ވިދާޅުވީ ބަލި އަވަހަށް ދެނެގަތުމަށް ބޭނުންވާ އިންތިޒާމުތައް ހަމަޖެއްސުމާއި ފުރިހަމަ ފަރުވާ ކަށަވަރުކުރުމަށްޓަކައިވެސް ސާބިތުކަމާއެކު މަސައްކަތްތަކެއް ކުރެވކުރެވެމުންދާ ކަމަށެވެ.
ރައީސުލްޖުމްހޫރިއްޔާ ފާހަގަކުރެއްވި ގޮތުގައި، ދިވެހިރާއްޖެއަކީ 1998 ވަނަ އަހަރުން ފެށިގެން ޓީބީ ކޭސްތައް ދެނެގަތުމުގައި 70 އިންސައްތަ އަދި ބަލިން ފަސޭހަކުރުމުގައި 85 އިންސައްތަ ހާސިލުކޮށްފައިވާ ފަސް ޤައުމުގެ ތެރެއިން އެއް ޤައުމެވެ.
ކިޔުންތެރިންގެ ހިޔާލު