ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާނުކުރައްވައިފިއެވެ، އަންނަ ބުރާސްފަތި ދުވަހު ފްލެޓް ލިބޭ ފަރާތްތަކުގެ ލިސްޓު ޢާންމުކުރައްވާނެ ކަމަށެވެ. މި ކަން އެމަނިކުފާނު ހާމަކުރެއްވީ ދ. ހުޅުދެލީގައި ރައްޔިތުންނާ ބައްދަލުކުރެއްވުމަށް ބޭއްވި ރަސްމިއްޔާތުގައެވެ.
ރައީސް އިތުރަށް ވިދާޅުވީ:
– ލިސްޓަށް ޝަކުވާ ހުށަހެޅުމުގެ ފުރުޞަތު ދެއްވާނެ ކަމަށް.
– ލިސްޓާ ގުޅޭ އިތުރު ތަފްޞީލު ގެދޮރުވެރިކަމާއި ބިނާވެށި ކަންކަމާބެހޭ ވަޒީރު، ބުރާސްފަތި ދުވަހު ބާއްވާ ނޫސްވެރިންގެ ބައްދަލުވުމުގައި ދެއްވާނެ ކަމަށް.
– ފްލެޓް ލިބޭ އަދި ނުލިބޭ ފަރާތްތަކުގެ މަޢުލޫމާތު ވަރަށް ހާމަކަން ބޮޑު ގޮތެއްގައި ޢާންމުކުރެވޭނެ ކަމަށް.
– ބޯހިޔާވަހިކަމުގެ މައްސަލަ ޙައްލުކުރުމަކީ އެމަނިކުފާނުގެ އެންމެ އިސް އަމާޒުތަކުގެ ތެރޭގައި ހިމެނޭ ކަމެއްކަން.
ރައީސް އަދި ވިދާޅުވީ، ކޮންމެ ރައްޔިތަކީވެސް ހަމަހަމަ ރައްޔިތެއްގެ ގޮތުގައި ސަރުކާރުން ދެކޭ ކަމަށާއި، ޚިދުމަތް ދިނުމުގައި ޢަދުލުވެރިކަމާއި އިންޞާފުވެރިކަން ޤާއިމުކުރުމަށް މަސައްކަތްކުރައްވާނެ ކަމަށެވެ. އަދި ރައްޔިތުންނަށް ވެފައިވާ ވަޢުދުތައް ފުއްދުމަށް މަސައްކަތްކުރައްވާނެ ކަމުގެ ޔަޤީންކަން ދެއްވިއެވެ.
ކިޔުންތެރިންގެ ހިޔާލު