ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، މީދޫގެ ރައްޔިތުންނާ ބައްދަލުކުރެއްވުމަށް ބޭއްވި ރަސްމިއްޔާތުގައި ވިދާޅުވެފައިވަނީ، ގުޅިފަޅުން ގޯތި ލިބިފައިވާ ރައްޔިތުންނަށް، ކުރިއަށް އޮތް ދެމަސް ދުވަހުގެ ތެރޭގައި ރަޖިސްޓްރީ ހަވާލުކޮށް ނިންމާނެ ކަމަށެވެ.
ރައީސްގެ ވާހަކަފުޅުގައި ފާހަގަކުރެއްވި ގޮތުގައި، ގުޅިފަޅުގެ ލޭންޑް ޔޫސް ޕްލޭނަށް ބަދަލު ގެނެސް، ނުހިއްކާ އޮތް ސަރަހައްދުން ގޯތި ލިބިފައިވާ ފަރާތްތަކަށްވެސް މިހާރު ހިއްކާފައިވާ ބިމުން ގޯތި ހަމަޖައްސައިދެވޭނެއެވެ. އަދި ހިއްކާފައިވާ ސަރަހައްދުގައި ދިރިއުޅުމަށް ބޭނުންވާ އެންމެހައި ވަސީލަތްތައް ޤާއިމުކުރެވޭނެ ކަމަށް ވިދާޅުވިއެވެ.
މީގެ އިތުރުން، ގިރާވަރު ފަޅު ހިއްކުމުގެ މަސައްކަތާއި، އުތުރު ތިލަފަޅުން 150 ހެކްޓަރުގެ ބިން ހިއްކުމުގެ މަސައްކަތް ސަރުކާރުން ކުރިއަށް ގެންދަވާނެ ކަމަށްވެސް ރައީސް ވިދާޅުވިއެވެ. މިއީ މާލެ އާއި މާލޭގެ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލަ ހައްލުކުރުމަށް އެޅޭ މުހިންމު ފިޔަވަޅެއް ކަމުގައި ރައީސުލްޖުމްހޫރިއްޔާ ފާހަގަކުރެއްވިއެވެ.
ކިޔުންތެރިންގެ ހިޔާލު