ދ. ކުޑަހުވަދޫގެ ރައްޔިތުންނާއެކު ބޭއްވެވި ބައްދަލުވުމެއްގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވީ، އެމަނިކުފާނުގެ ވަޢުދާ އެއްގޮތަށް މިއަހަރު ތެރޭގައި ދިވެހިރާއްޖޭގެ ހުރިހާ ރަށަކަށް މި ޚިދުމަތް ފުޅާކުރެވޭނެ ކަމަށެވެ.
މީގެއިތުރުން، މީހުން ދިރިއުޅޭ ހުރިހާ ރަށެއްގައި ބޭންކް އޮފް މޯލްޑިވްސްގެ އޭޓީއެމް ޤާއިމްކުރުމުގެ މަޝްރޫޢު ކުރިއަށްދާކަން އެމަނިކުފާނު ފާހަގަކުރެއްވިއެވެ.
ރައީސުލްޖުމްހޫރިއްޔާ އިތުރަށް ވިދާޅުވީ، ކުޑަހުވަދޫގައި މިއަހަރު ޑޮލަރު އޭޓީއެމް ޤާއިމްކުރެވުމުން އޭގެ ފައިދާ އެރަށާއި އެ ސަރަޙައްދުގެ އިޤްތިޞާދަށް ކުރާނެ ކަމަށެވެ.
ފާއިތުވި މަހު، ސަރުކާރުން ވަނީ އައްޑޫ ސިޓީ ހިތަދޫގައިވެސް ބީއެމްއެލްގެ ޑޮލަރު އޭޓީއެމެއް ޤާއިމްކޮށް ޚިދުމަތް ދޭން ފަށާފައެވެ.
ބޭންކިންގ ނިޒާމުގެ ތެރެއިން ޑޮލަރު މާރުކުރުން ލާޒިމްކުރާ ޤާނޫނާއެކު ބޭރު ފައިސާގެ ދަތިކަމަށް ޙައްލު އަންނަން ފަށާފައިވާ ކަމަށާއި، ދައުލަތުގެ ރަސްމީ ރިޒާވަށް ފާހަގަކޮށްލެވޭ ކުރިއެރުމެއް އައިސްފައިވާ ކަމަށް ސަރުކާރުން ބަޔާންކޮށްފައިވެއެވެ.
ރައީސުލްޖުމްހޫރިއްޔާގެ މި ދަތުރުފުޅުގައި، ކުޑަހުވަދޫގައި ބީއެމްއެލް ގޮފި ތަރައްޤީކުރުމުގެ އަމަލީ މަސައްކަތް ފެށުމުގެ ރަސްމިއްޔާތުގައިވެސް ބައިވެރިވެވަޑައިގެންނެވިއެވެ.
ކިޔުންތެރިންގެ ހިޔާލު