ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ބައިނަލްއަޤްވާމީ މާދަރީ ބަހުގެ ދުވަހާ ގުޅިގެން ދެއްވި މެސެޖުގައި، ދިވެހި ބަހުގެ މުހިންމުކަމާއި އޭގެ އަގުހުރި ދައުރު ފާހަގަކުރައްވައިފިއެވެ. އެމަނިކުފާނު ވިދާޅުވި ގޮތުގައި، ދިވެހިންގެ މިނިވަންކަމާއި އަމިއްލަވަންތަކަން ދައްކުވައިދޭ ކޮންމެ ބަހެއްގެ މޫލަކީ ދިވެހިބަސްކަން ފާހަގަކުރެއްވިއެވެ.

ސޯޝަލް މީޑިއާގައި ޝާއިޢުކުރެއްވި މި މެސެޖުގައި، ރައީސުލްޖުމްހޫރިއްޔާ އިތުރަށް ވިދާޅުވެފައިވަނީ، ދިވެހިންގެ ޤައުމިއްޔަތާއި އަމިއްލަވަންތަކަން ރަމްޒުކޮށްދޭ “ދިވެހިރާއްޖެ”، “ދިވެހިވަންތަ” އަދި “ދިވެހިދިދަ” ފަދަ ލަފްޒުތަކުގެ އަސްލަކީވެސް “ދިވެހި” ބަސްކަމަށެވެ. މީގެއިތުރުން، އެމަނިކުފާނު ވިދާޅުވެފައިވަނީ، އަޅުގަނޑުމެންގެ މާޒީ، މިއަދު އަދި މުސްތަޤުބަލުގައިވެސް ދިވެހިންގެ ގޮތުގައި ދެމިތިބުމުގެ އަސާސަކީ ދިވެހިބަސްކަމުގައެވެ.

ކޮންމެ އަހަރެއްގެ ފެބުރުއަރީ 21 ވަނަ ދުވަހަކީ ބައިނަލ ްއަޤްވާމީ މާދަރީ ބަހުގެ ދުވަސްކަން ފާހަގަކޮށްލުމަކީ މުހިންމު ކަމެކެވެ.