ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ހއ. ހޯރަފުށީގައި ޤާއިމުކުރެވުނު ޖުވެނައިލް ޖަސްޓިސް ޔުނިޓް، ހާފްވޭ ހައުސް ރަސްމީކޮށް ހުޅުއްވައިދެއްވާފައެވެ.
ތިލަދުންމަތީ އުތުރުބުރީގެ ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން ހޯރަފުއްޓަށް ވަޑައިގެން، ރައީސް މި މަރުކަޒު ހުޅުއްވައިދެއްވުމާއެކު އެތަނުގެ ދިދަވެސް ނަންގަވައިދެއްވިއެވެ. މި ރަސްމިއްޔާތުގައި ދާޚިލީ ސަލާމަތާއި ފަންނިއްޔާތާބެހޭ ވަޒީރު ޢަލީ އިޙްސާނާއި ޖުވެނައިލް ޖަސްޓިސް ޑިޕާޓްމަންޓްގެ އިސްވެރިން ބައިވެރިވެ ވަޑައިގެންނެވިއެވެ.
ކުޑަކުދިންގެ ޖިނާއީ ޢަދުލުގެ ނިޒާމު ހަރުދަނާކުރުމަށް ސަރުކާރުން ގިނަގުނަ މަސައްކަތްތަކެއް ކުރައްވަމުން ގެންދަވައެވެ. މާލޭގައި ޤާއިމުކުރެވިފައިވާ ޚިދުމަތްތައް ލާމަރުކަޒީ އުސޫލުން އަތޮޅުތަކަށް ފޯރުކޮށްދިނުމަކީ ސަރުކާރުގެ މުހިންމު ސިޔާސަތެކެވެ. މި މަސައްކަތުގެ ދަށުން ހޯރަފުށީގައި ހުޅުވާފައިވާ ހާފްވޭ ހައުސްއަކީ ކުޑަކުދިންގެ ޖިނާއީ އަދުލުގެ ޤާނޫނުގެ ދަށުން ހިންގަން ބޭނުންވާ ރީހެބިލިޓޭޝަން ޕްރޮގްރާމްތައް ހިންގުމަށްޓަކައި ޤާއިމުކޮށްފައިވާ މަރުކަޒެކެވެ.
ޖުވެނައިލް ޖަސްޓިސް ޑިޕާޓްމަންޓުން މަޢުލޫމާތު ދެއްވާފައިވާ ގޮތުގައި، މި މަރުކަޒަކީ ކުރު އަދި ދިގު މުއްދަތަށް އެކަހެރިކޮށްގެން ފަރުވާ ދޭންޖެހޭ ކުދިންނަށް ފަރުވާ ދެވޭނެ ނިޒާމެއް ހަމަޖެއްސުމަށް ތަރައްޤީކޮށްފައިވާ މަރުކަޒެކެވެ. އިސްލާޙީ ފިޔަވަޅުތައް އެޅުމަށްޓަކައި ދިގު މުއްދަތަކަށް ބަންދުގައި ތިބުމަށްފަހު، އެ ކުދިންގެ ޙާލަތަށް ބިނާކޮށް، ކުއްޖާއަށް ބޭނުންވާ ޚާއްޞަ ފަރުވާތައް މި ތަނުން ފޯރުކޮށްދެވޭނެއެވެ. މި މަރުކަޒުގައި އަންހެން ކުދިންނާއި ފިރިހެން ކުދިންނަށް ޚާއްޞަކޮށްގެން ވަކި އެކަމަޑޭޝަން ބްލޮކްތަކެއް ހުރިކަން އެ ޑިޕާޓްމަންޓުން ހާމަކުރައްވާފައިވެއެވެ.ފައިވެއެވެ.
ދާޚިލީ ސަލާމަތާއި ފަންނިއްޔާތާބެހޭ ވަޒީރު ޢަލީ އިޙްސާން ފާހަގަކުރައްވާފައިވާ ގޮތުގައި، މި ސަރުކާރު ހަވާލުވިއިރު، ކުޑަކުދިންގެ ޖިނާއީ އަދުލުގެ ނިޒާމު ރަނގަޅަށް ހިންގުމަށް ބޭނުންވާ ވަސީލަތްތައް އެކަށީގެންވާ ވަރަށް ފޯރުކޮށްދެވިފައި ނުވެއެވެ. އެހެންކަމުން، މި ސަރުކާރުގެ އަމާޒަކީ މި ދައުރުގެ ތެރޭގައި އެ އިދާރާއަށް ބޭނުންވާ ހުރިހާ ވަސީލަތެއް ހޯއްދަވައިދެއްވުން ކަމުގައި ވަޒީރު ވިދާޅުވެފައިވެއެވެ.
ޑިޕާޓްމަންޓް އޮފް ޖުވެނައިލް ޖޑިޕާޓްމަންޓް އޮފް ޖުވެނައިލް ޖަސްޓިސްއަކީ 2020 ވަނަ އަހަރު ޢަމަލުކުރަން ފެށި، ކުޑަކުދިންގެ އަދުލުގެ ޤާނޫނުގެ ދަށުން ޤާއިމުކޮށްފައިވާ އިދާރާއެކެވެ. މި އިދާރާގެ މައިގަނޑު މަސްއޫލިއްޔަތުތައް އަމާޒުކުރެވިފައިވަނީ ކުޑަކުދިން ކުރާ ޤާނޫނާ ޚިލާފު ޢަމަލުތަކާ ގުޅޭ މައްސަލަތައް ބެލުމުގައި ކުޑަކުދިންގެ މަޞްލަޙަތަށް އިސްކަންދީ، އެ ކުދިން ހެޔޮގޮތުގައި މުޖުތަމަޢަށް އަނބުރާ ގެނައުމުގައި މުހިންމު ދައުރެއް އަދާކުރުމަށެވެ.
މި އައު މަރުކަޒު ޤާއިމުކުރެވުމާއެކު، ކުޑަކުދިންގެ ޖިނާއީ ޢަދުލުގެ ނިޒާމު އިތުރަށް ހަރުދަނާވެ، އުތުރު ސަރަޙައްދުގެ ކުޑަކުދިންނަށް ބޭނުންވާ ފަރުވާއާއި އެހީތެރިކަން ފަސޭހައިން ލިބިގަތުމުގެ މަގު ތަނަވަސްވެގެންދާނެއެވެ. މީގެ އިތުރުން، މި މަރުކަޒުގެ ސަބަބުން ކުށްކުރާ ކުޑަކުދިން އިޞްލާޙުވެ، މުޖުތަމަޢުގެ ބޭނުންތެރި މެންބަރުންގެ ގޮތުގައި އަނބުރާ ގެނައުމަށް އިތުރު ބާރެއް ލިބިގެންދާނެކަން ޔަޤީނެވެ.
ސަރުކާރުގެ މި މުހިންމު މަޝްރޫޢުގެ ސަބަބުން، ކުޑަކުދިންގެ ޙައްޤުތައް ރައްކާތެރިކުރުމާއި، އެ ކުދިންނަށް ބޭނުންވާ ޚާއްޞަ ފަރުވާ ފޯރުކޮށްދިނުމުގައި އިތުރު ކުރިއެރުންތަކެއް ލިބިގެންދާނެކަމަށް އުންމީދުކުރެވެއެވެ. މި މަރުކަޒު މެދުވެރިކޮށް، ކުށްކުރާ ކުޑަކުދިންނަށް އެކަށީގެންވާ ރީހެބިލިޓޭޝަން ޕްރޮގްރާމްތައް ހިންގައި، އެ ކުދިންގެ ނަފްސާނީ އަދި ޖިސްމާނީ ދުޅަހެޔޮކަން އިތުރުކޮށް، އެ ކުދިންގެ މުސްތަ މުސްތަޤުބަލު އުޖާލާކުރުމަށް މަގުފަހިވެގެންދާނެއެވެ.
އެހެންކަމުން، ހއ. ހޯރަފުށީގައި ޤާއިމުކުރެވުނު ޖުވެނައިލް ޖަސްޓިސް ޔުނިޓް، ހާފްވޭ ހައުސްގެ ހުޅުވުމަކީ ކުޑަކުދިންގެ ޖިނާއީ ޢަދުލުގެ ނިޒާމު ހަރުދަނާކުރުމަށް އެޅުނު މުހިންމު ފިޔަވަޅެކެވެ. މި މަރުކަޒުގެ ސަބަބުން، ކުށްކުރާ ކުޑަކުދިންނަށް ބޭނުންވާ ފަރުވާއާއި އެހީތެރިކަން ފޯރުކޮށްދިނުމަށް އިތުރު ފުރުޞަތުތަކެއް ހުޅުވިގެންދާނެކަން ކަށަވަރެވެ.
