ރައީސް ޑރ. މުޙައްމަދު މުޢިއްޒު ވިދާޅުވެފައިވަނީ، ދިވެހިރާއްޖެ ފަދަ ޤައުމަކަށް ޓެކްނޮލޮޖީއަކީ ފެންވަރު ރަނގަޅު ތަޢުލީމާ ގުޅުވައިދޭ މުހިންމު ވަސީލަތެއް ކަމުގައެވެ.
ބައިނަލްއަޤްވާމީ ތަޢުލީމީ ދުވަހާ ގުޅިގެން، ރައީސް މުޢިއްޒު އެކްސް މެދުވެރިކޮށް ޙިއްޞާކުރެއްވި ޕޯސްޓެއްގައި، މިހާރު އެންމެ ކުރިއަރަމުންދާ އާޓިފިޝަލް އިންޓެލިޖެންސް، ވާރޗުއަލް ރިއަލިޓީ އަދި އީ-ލަރނިންގ ޕްލެޓްފޯމްތަކުގެ މުހިންމުކަމަށް އަލިއަޅުވާލައްވާފައިވެއެވެ. މި ޓެކްނޮލޮޖީތަކުގެ ސަބަބުން، ހުރިހާ ފަރާތްތަކަކަށްވެސް ތަޢުލީމު ޙާޞިލުކުރުމުގެ ފުރުޞަތު ފަހިވެގެންދާނެކަން ރައީސް ފާހަގަކުރައްވާފައިވެއެވެ.
ރައީސް މުޢިއްޒުގެ ވެރިކަމުގައި ޓެކްނޮލޮޖީއަށް ޚާއްޞަ އަހައްމިއްޔަތުކަމެއް ދެމުންދާކަން ފާހަގަކުރެވެއެވެ. މިގޮތުން، ޑިޖިޓަލައިޒޭޝަންގެ ރޮނގުން ދުނިޔޭގައި އެންމެ ކުރިއަރާފައިވާ ޤައުމުތަކުގެ ތެރެއިން އެއް ޤައުމުކަމަށްވާ އެސްޓޯނިއާއަށް ފަހުން ރަސްމީ ދަތުރުފުޅެއް ކުރައްވާފައިވެއެވެ.
އެސްޓޯނިއާގެ ދަތުރުފުޅުގައި ރައީސް ވިދާޅުވެފައިވަނީ، ތަޢުލީމީ ދާއިރާ ހިމެނޭގޮތަށް ސަރުކާރުގެ އެންމެހާ އިދާރާތައް، މި ފަސް އަހަރުގެ ތެރޭގައި ޑިޖިޓަލައިޒް ކުރައްވާނެ ކަމަށެވެ. މިއީ ޤައުމުގެ ތަރައްޤީއަށް އަޅުއްވާ މުހިންމު ފިޔަވަޅެއްކަން ފާހަގަކުރެވެއެވެ.
ކިޔުންތެރިންގެ ހިޔާލު