އައްޑޫ ސިޓީގެ ހިތަދޫގައި މިއަދު ހެނދުނު ހިނގި އަލިފާނުގެ ހާދިސާއެއްގައި ގެއެއް އަނދައި އަޅިއަށްވެއްޖެއެވެ. މި ހާދިސާ ހިނގީ ހިތަދޫ “ގުލްކަނދުގެ” ނަމަކަށް ކިޔާ ގެއެއްގައެވެ.
މި ހާދިސާގައި އެއްވެސް މީހަކަށް އަނިޔާވެފައި ނުވާކަމަށް ފަޔަރ ސަރވިސްއިން ބުނެއެވެ. ނަމަވެސް، ގެއަށް ލިބުނު ގެއްލުން ވަރަށް ބޮޑުކަމަށް ބެލެވެއެވެ. ގެއެއްކޮށް އަނދައި ހަލާކުވެފައިވާއިރު، މުޅިރާއްޖެއަށް މައުލުމާތު ދެއްވަމުން އެރަށުމީހަކު ބުނި ގޮތުގައި އަލިފާން ރޯވާން ދިމާވީ، ކަރަންޓް މައްސަލައެއް ދިމާވެގެން ކަމަށް ލަފާ ކުރެވެއެވެ.
މި ހާދިސާ ހިނގި ސަބަބު އަދި ސާފުވެފައި ނުވާކަމަށާއި، އެކަން ބަލައި ތަޙުޤީޤު ކުރަމުންދާކަމަށް ފުލުހުން ބުނެއެވެ. އަދި މިފަދ ހާދިސާތަކުން ރައްކާތެރިވުމަށް ގޭގޭގައި އަލިފާން ނިއްވާ ފޮށި ބެހެއްޓުމާއި، ކަރަންޓު ވައިރިންގ ގަވާއިދުން ޗެކުކުރުމަށް ފަޔަރ ސަރވިސްއިން އާންމުންނަށް އިލްތިމާސް ކޮށްފައިވެއެވެ.
