ރައީސުލްޖުމްހޫރިއްޔާ އެސްޓޯނިއާއަށް ކުރެއްވި ދަތުރުފުޅުގެ މައިގަނޑު ނުކުތާތައް:
1. އެސްޓޯނިއާގެ ހިންގުމުގެ ނިޒާމުން ރާއްޖެއަށް ފިލާވަޅު ލިބުނު.
2. ދަތުރުފުޅުގައި ލިބުނު ކުރިއެރުންތަކަކީ އުއްމީދީ ކުރިއެރުންތަކެއް.
3. ދެ ޤައުމުގެ ދެމެދު ފަހުމުނާމާތަކުގައި ސޮއިކުރެވުނު.
4. އެސްޓޯނިއާއަކީ ފަންނިއްޔާތުގެ ދާއިރާގައި ދުނިޔޭގައި އެންމެ ކުރިއަރާފައިވާ ޤައުމުތަކުގެ ތެރެއިން އެއް ޤައުމު.
5. ރާއްޖޭގެ ފަންނިއްޔާތުގެ ދާއިރާ ކުރިއެރުވުމަކީ ސަރުކާރުގެ މުހިންމު އަމާޒެއް.
6. ދަތުރުފުޅުގެ ތެރެއިން އެސްޓޯނިއާގެ އިޖާދީ ފަންނިއްޔާތުގެ ދާއިރާ ބައްލަވާލެއްވި.
އެސްޓޯނިއާގެ ވެރިރަށް ޓަލިންއިން ފުރާވަޑައިގަންނަވަމުން މީސްމީޑިއާގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވީ، އެސްޓޯނިއާއަށް ކުރެއްވި ރަސްމީ ދަތުރުފުޅު ނިމިގެންދާއިރު، މި ދަތުރުފުޅުގެ ތެރެއިން ލިބުނު ކުރިއެރުންތަކަކީ އުއްމީދީ ކުރިއެރުންތަކެއް ކަމަށެވެ. އަދި އެސްޓޯނިއާގެ ރައީސް ޑރ. އަލާރް ކަރިސް އާއި އެޤައުމުގެ ސަރުކާރާއި ރައްޔިތުން އެމަނިކުފާނާއި ރާއްޖޭގެ ވަފުދައް ދެންނެވި ހޫނު މަރުހަބާއަށާއި، އަދާކުރެއްވި މެހެމާންދާރީއަށް ރައީސް ޝުކުރުއަދާކުރެއްވިއެވެ.
I depart Tallinn with optimism as my Official Visit to Estonia concludes. The progress we have achieved together during the visit is encouraging.
I extend heartfelt gratitude to the government and people of Estonia, especially to President Dr. @AlarKaris, for the invitation,…
— Dr Mohamed Muizzu (@MMuizzu) January 16, 2025
ރައީސުލްޖުމްހޫރިއްޔާ ވިދާޅުވީ، މިދަތުރުފުޅާއެކު ޚާރިޖީ ގުޅުންތަކުގެ އައު ޒަމާނެއް ފެށިގެންގޮސްފައިވާ ކަަމަށެވެ. އެގޮތުން މި ދަތުރުފުޅުގެ ތެރެއިން ބޭއްވި ފައިދާކުރަނިވި ބައްދަލުވުންތަކާއި އަދި ދެ ޤައުމުގެ ދެމެދު ސޮއިކުރެވުނު ފަހުމުނާމާތަކުން މިކަން ކަށަވަރުވެގެންދާކަން އެމަނިކުފާނު ފާހަގަކުރެއްވިއެވެ. ރައީސުލްޖުމްހޫރިއްޔާގެ މި ދަތުރުފުޅުގެ ތެރެއިންވަނީ ފަންނިއްޔާތުގެ ދާއިރާއިންނާއި، ތިމާވެށީގެ ދާއިރާއިންނާއި ސިޔާސީ ދާއިރާއިން ގުޅުން ބަދަހިކުރުމަށް ފަހުމުނާމާގައި ސޮއިކުރައްވާފައެވެ.
ރައީސުލްޖުމްހޫރިއްޔާ ވިދާޅުވީ، ރާއްޖޭގެ ފަންނިއްޔާތުގެ ދާއިރާ ކުރިއެރުވުމަކީ އެމަނިކުފާނުގެ ސަރުކާރުގެ މުހިންމު އަމާޒެއް ކަމަށެވެ. އަދި މިދަތުރުގެ އެންމެ މުހިންމު އެއް ބަޔަކީވެސް އެކަންކަމަށް އެމަނިކުފާނު ވިދާޅުވިއެވެ.
ފަންނިއްޔާތުގެ ދާއިރާއިން ގިނަ ކުރިއެރުންތަކެއް ހޯދާފައިވާ އެސްޓޯނިއާއަށް ރައީސުލްޖުމްހޫރިއްޔާ ކުރެއްވި ރަސްމީ ދަތުރުފުޅަކީ އެޤައުމުގެ ރައީސް ޑރ. އަލާރް ކަރިސްގެ ދައުވަތަކަށް ކުރެއްވި ރަސްމީ ދަތުރުފުޅެކެވެ. މިދަތުރުފުޅުގެ ތެރެއިން އެސްޓޯނިއާގެ ސަރުކާރުގެ އިސް ފަރާތްތަކާއި އެ ޤައުމުގެ އިޖާދީ ފަންނިއްޔާތުގެ ދާއިރާ ރައީސުލްޖުމްހޫރިއްޔާ ވަނީ ބައްލަވާލައްވާފައެވެ.
