ސިނަމާލެ ބްރިޖުގެ މަރާމާތު މަސައްކަތެއް މިރޭ ފަށާތީ ހައިވޭން ދަތުރުކުރާއިރު ސަމާލުވާން ފުލުހުން އެދިއްޖެ އެވެ.
ފުލުހުން މިއަދު ބުނީ މިރޭ ފަށަނީ، ސިނަމާލެ ބްރިޖު ހައިވޭގެ ޓްރެފިކް ލައިންތައް އާކުރުމުގެ މަސައްކަތް ކަމަށެވެ.
މިރެއިން ފެށިގެން މަސައްކަތް ނިމެންދެން، ކޮންމެ ރެއަކު 12 އިން ހެނދުނު 6 އަށް މި މަސައްކަތް ކުރާނެ ކަމަށް ފުލުހުން ބުންޏެވެ.
މިއީ މަގުތަކަކީ އަމާން ރައްކާތެރި ތަނަކަށް ހެދުމަށް ކުރެވޭ މަސައްކަތުގެ ތެރެއިން އެޗްޑީސީން ކުރިއަށް ގެންދާ މަސައްކަތެއް ކަމަށް ފުލުހުން ބުންޏެވެ.
“ވީމާ، މި މަސައްކަތް ކުރިއަށް ދާއިރު، ހައިވޭ ބޭނުންކުރައްވާ ފަރާތްތަކުން މިކަމަށް ސަމާލުވުމަށް ދަންނަވަމެވެ،” ފުލުހުން ނެރުނު ސަމާލުގައިވެ އެވެ.
މާލެ ސަރަހައްދުގައި ހިނގާ އެކްސިޑެންޓްތައް މަދުކޮށް އަމާން ރައްކާތެރި ތަނަކަށް ހެދުމަށް ފުލުހުން އަންނަނީ މަސައްކަތް ކުރަމުންނެވެ.
ކިޔުންތެރިންގެ ހިޔާލު