އިދިކޮޅު އެމްޑީޕީގެ ފަރާތުން ތިނަދޫ ސިޓީގެ މޭޔަރު ކަމަށް ވާދަކުރެއްވުމުގެ ޓިކެޓް ސައުދު އަލީ ހޯއްދަވައިފިއެވެ.
އިއްޔެ ބޭއްވި ޕްރައިމަރީ ކުޑަ ތަފާތަކުން ސައުދު ވަނީ ކާމިޔާބު ކުރައްވާފައެވެ. ސައުދު އަލީ އަށް 462 ވޯޓު ލިބިވަޑައިގަތްއިރު، އޭނައާ ވާދަކުރެއްވި އަހްމަދު ނަސީރަށް ލިބިވަޑައިގަތީ 418 ވޯޓެވެ.
އަހްމަދު ނަސީރަކީ ތިނަދޫ ކައުންސިލްގެ ރައީސްކަން ކުރައްވާފައިވާ ބޭފުޅެކެވެ.
އެ ބޭފުޅުންގެ ތެރެއިން ސައުދު އަލީ އަކީ ކޮރަޕްޝަންގެ އެތައް މައްސަލައެއް އޭނާގެ މައްޗަށް ތުހުމަތު ކުރެވިފައިވާ ބޭފުޅެކެވެ. ފުލުހުންނާއި އެންޓި ކޮރަޕްޝަން ކޮމިޝަނުން ވެސް އަންނަނީ އޭނާގެ މައްސަލަތައް ތަހުގީގު ކުރަމުންނެވެ.
ތިނަދޫގެ މޭޔަރު ކަމަށް ވެރިކަންކުރާ ޕީއެންސީގެ ޓިކެޓްގައި ވާދަކުރައްވަނީ ތިނަދޫގެ އެތައް ރައްޔިތުންގެ ލޯތްބާއި އިހްރިރާމް ލިބިވަޑައިގެންފައިވާ ތައުލީމީ ދާއިރާއަށް ގިނަ ދުވަހު ހިދުމަތް ކުރައްވަމުން ގެންދަވާ މުހައްމަދު އަޖީބެވެ.
ކިޔުންތެރިންގެ ހިޔާލު