ހުޅުމާލެ ފޭސް ތިނެއްގެ ބިން ހިއްކުމުގެ މަސައްކަތުގެ ތެރެއިން ބޮޑު ސަރަހައްދެއް ހިއްކައި ފަރުކޮޅުފުއްޓާ ގުޅުވާލައިފިއެވެ.
އެމްއޭސީއެލް އިން މިއަދު ބުނީ ޖުމްލަ 40 ހެކްޓަރުގެ ބިން މިހާރު ހިއްކާ ނިމިފައިވާ ކަމަށެވެ. އެއީ 63 ހެކްޓަރުގެ ބިން ހިއްކަން ނިންމާފައިވާ އެ ޕްރޮޖެކްޓުގެ 63.5 ޕަސެންޓެވެ. އެ މަސައްކަތް ވަރަށް ބާރު ސްޕީޑުގައި ކުރިއަށް ގެންދާ ކަމަށް އެ ކުންފުނިން ބުންޏެވެ.
އެމްއޭސީއެލުން ބުނީ މިއަދު އާންމުކުރި އެ ސަރަހައްދުގެ ފޮޓޯތަކާ އެކު، ހުޅުމާލެ ތިނަކާއި ފަރުކޮޅުފުށި އެއްކޮށްލާފައިވާ މަންޒަރު ފެންނަ ފޮޓޯއެއް އެމްއޭސީއެލް އިން ވަނީ އާންމުކޮށްފައެވެ. 
ފަރުކޮޅުފުއްޓަކީ ކުރިން ރިސޯޓެއްގެ ގޮތުގައި ހިންގި ރަށެކެވެ.
ހުޅުމާލޭގެ މާސްޓަޕްލޭންގައި ކުރިން އޮތީ އެ ސަރަހައްދު ނުހިއްކާ ގޮތަށެވެ. ކުރިން މާސްޓަޕްލޭންގައި އޮތީ ހުޅުމާލެ 3 އާއި ފަރުކޮޅުފުއްޓާ ދެމެދުގައި ކޯރެއް އޮންނަ ގޮތަށެވެ. އެ ދެ ސަރަހައްދު ގުޅުވާލުމަށް ޗެނަލް ބްރިޖުތައް އަޅާ ގޮތަށެވެ. ނަމަވެސް ފަހުން ނިންމީ އެތަން ހިއްކާ ގޮތަށެވެ.
ހުޅުމާލެ ފޭސް ތިނަކުން މިދިޔަ ސަރުކާރުން ވަނީ 1،351 ގޯތި މާލޭގެ ރައްޔިތުންނަށް ދީފައެވެ. އެ ގޯތިތަކުގެ ގުރުއަތުލުން އިއްޔެ ވަނީ ބާއްވާފައެވެ.
ކިޔުންތެރިންގެ ހިޔާލު