އިންޑިއާގެ ވެރިރަށް ދިއްލީގެ މަޝްހޫރު ރެޑްފޯޓް ކައިރީގައި މިއަދު ހިނގި ބާރުގަދަ ގޮވުމެއްގައި އަށް މީހަކު މަރުވެ، 24 މީހަކު ޒަޚަމްވެއްޖެ ކަމަށް އެންޑީޓިވީން ރިޕޯޓްކޮށްފިއެވެ. ކާރެއްގެ ތެރޭގައި ހިނގި މި ގޮވުން ގޮވާފައިވަނީ ކާރެއްގައި ކަމުގައި ބެލެވޭ ކަމަށާއި، މި ހާދިސާއާ ގުޅިގެން ދިއްލީގެ އެކި ހިސާބުތަކުގައި ހައި އެލާޓް ނެރެފައިވާ ކަމަށް ފުލުހުން ބުނެފައިވެއެވެ.

ޒަޙަމްވި މީހުން ދިއްލީގެ ލޮކް ނަޔަކް ހޮސްޕިޓަލްގައި ފަރުވާދެމުން ގެންދާއިރު، އެތައް ބަޔަކު މަރުވިކަން ހޮސްޕިޓަލުން ކަށަވަރުކޮށްދީފައިވެއެވެ. ދިއްލީ ފުލުހުން ހާމަކުރި ގޮތުގައި މިއީ ވަރަށް ބާރުގަދަ ގޮވުމެއް ކަމަށާއި، މި ހާދިސާގައި ކައިރީގައި ހުރި ތިން ހަތަރު ވެހިކަލެއްގައި އަލިފާން ރޯވެ ގެއްލުން ލިބިފައިވާ ކަމަށެވެ. ގޮވުން ހިނގަން މެދުވެރިވި ސަބަބު އަދި ސާފެއް ނޫން ކަމަށްވެސް ފުލުހުން ބުނެފައިވެއެވެ.

މި ހާދިސާއާ ގުޅިގެން މުމްބާއީ، ޖައިޕޫރު، އުއްތަރަ ޕްރަދޭޝް އަދި އުއްތަރަކަންޑު ފަދަ ސިޓީތަކުގައިވެސް ސަލާމަތީ ފިޔަވަޅުތައް ވަރުގަދަކޮށް، ހައި އެލާޓް އިއުލާންކޮށްފައިވާ ކަމަށް އެންޑީޓީވީން ރިޕޯޓްކޮށްފައިވެއެވެ.